YEREMIA 6:21 - Biblía Axweesantá Hhohho' ar Mungú 2004

²¹ Gawaá adoorihe anuú AAKOÓ MUNGÚ a kah: Qaytsiít mukwí aníng u dukuutseérí qaás, dukuutseerí gi dukúts, giri daráhh yaamií alé. Ín baabá nee na/ii'ín nin dinkwaárií huuiyá', tam inslaawmo nee mulqumoowós aqo kin hhaamiis.»

YEREMIA 6:21 Iomraidhean Croise

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

ISAYA 8:15

Múk yaariír ta dukuuts tari huhu'ún tari naasumiit, tsaaxweelirí gin ohiín kiri ar tláy.»

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 18:23

Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

TLAHHOÓ LAÁWI 26:37

Tin i huhu'uná' tawo alé adór heé naa goow slaqwarár wa ale, tam heé gi gusisiím i kahhi. /Uuruú niiná ta koondá' i kaahh oo wakuusérhúng kawa bala'.

Rumi 11:9

Nee Daudi sleeme i kaahi, «Muruú /aymar'ín masók i tsaaxweeli tleehhiit amor'ine, nee dukuutsmo, as inooín tawa dukuutsi nee slaasláwar'ín ngiri slayá'.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.