YEREMIA 6:19 - Biblía Axweesantá Hhohho' ar Mungú 2004

¹⁹ Yaámu, iia qaasaak, ga/aawaak, aníng mukwí u amotlakweérí huúw, adoodá' inslaway'ín kudá' tlákw kus hariím. Asma inooín axweesante'eé' ngaa gaárií xui'iiká, nee intsaahhasar'eé' sleeme ngina si'iyé'.

YEREMIA 6:19 Iomraidhean Croise

AXWEESANOÓ SAGALOOA 15:26

Inslawoó múk tlákw AAKOÓ MUNGÚ gu waak, Ala axweesanoó hhó' gu sla'atamis.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 19:15

AAKOÓ MUNGÚ Aleesleemusmo, Munguú múk Israeli, i kaahi, «Qaytsiít aníng muruudá' tlákw naa axweemamiís daanduú gixsarihe nee ayeemaá inslaawaywós sleémeerowo ngu huúw, asma inooín sager'ín ngina gawdeesiyé' nee axweesante'eé' ngi axamisiiaaká.»

YEREMIA 19:3

Ki beer, kuungaá waawituú Yuda nee yaamuloouusér Yerusalemu, iia qaasaak! AAKOÓ MUNGÚ Aleesleemusmo, Munguú múk Israeli, i kaahi, ‹Ar ló' amotlakwér tlakw ngi baraá yaamuukií huúw, umuú heé kaangwí gwaa axaasi i ló'wa da'ayuut.

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

YEREMIA 22:29

Aá yaámu, yaámu, yaámu, axweesantá AAKOÓ MUNGÚ iiárií qaasaak!

YEREMIA 29:19

Adoorí an tleéhh asma kuungá' axweesante'eé' tidá' naa aaiím ar loohír sagadiyuuser'eé', tidár aaruuse aga axasi'iiká, kuungá' ana ló'wa sié'.› Anuú AAKOÓ MUNGÚ tí ngina oó'.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

YEREMIA 4:16

I xoordaá gurbu'uún nee i Yerusalemúr kángw babeér, i kat, «Tundu i haraatláy amór saáw wa ale, nee gixsadaá Yuda kiri dae tsaat.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 49:37

Múk Elamu aníng u dae tsaát dír geeraá wakuuser'ín wa ale, nee dír kudá' slafingw'ín gu leelehhiita. Aníng i amotlakweéri huúw ar buhhtaaeé' kudá' xaraaslá'. Anuú AAKOÓ MUNGÚ tí ngina oó'. Aníng paánga a huúw, ngiri eehár ay dír ngay ló'wa hhaamiis.

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

YEREMIA 6:18

«Gawaá adoorihe kuungá' xoórdu, iia qaasaak, kuungá' dinkwár muu, tí inooín gi slaw xuaak.

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

HOSEA 10:13

Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

MIKA 6:2

Kuungá' tlóm'i, kwasleemár AAKOÓ MUNGÚ iiárií qaasaak, nee kiíng iihhafiirír gawit ar yaamu ar kureerisleém, iia qaaseek sleeme. Asma AAKOÓ MUNGÚ i kwasleemár kón daanduú mukose, nee muxta ngi huuw amor'ín i alé.

Yohana 12:48

Hee bar aníng iga sií', nee bar axweesanay'eé' gwa ya/aniká, heewí heé gu sakwasleemuút i deer. Axweesantí hám naa axweés, gun sakwasleemút bál deelór alhhe'eesaywo.

Tlehhema'aá ya/Abuuse 8:22

Gawaá adoorihe tlakweemaawók kwisingá' hhu'u'umeek, Aako na firiimeek, doóqa inslawaysuú baraá muunaáwók gu gurtláy.

DABE 30:19

Aníng laarí doori nee yaamu i ateét tawa lamabu'uuse adór aníng slafiingw nee gwa'araro, nee tsuuqa nee lo'ooro ngira dír geeraahúng i qaás tawa tsawdiinda'. Gimsé' slafiingw tsawaraak, kuungá' nee na/iihunge, as tawa hota'.

DABE 32:1

«Aá doóri, kuungá' iia qaasaak, aníng a axweés. Aá yaámu, axweesanoó ni axwees iiárií qaasaak.

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»

1 SAMUELI 15:26

Samueli Saulo guri báy, «Án nee kuúng a baloó alki/anaaká, asma axweesantá AAKOÓ MUNGÚ aga sí', AAKOÓ MUNGÚ kuúng ugwa sií' tawa waawutmoó múk Israeli.»