YEREMIA 6:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

YEREMIA 6:16 Iomraidhean Croise

1 WAAWITÁ 8:36

na'ás, iiarií qaaseek gawaá doorí wa ale, tlakweemaá sagadiyuuseerók, mukók oo Israeli gurtlaweek, ki intsaahhatís loohirók ar ganaa' kawa eehari. Tluwaay huweek baraá yaamuuwók kukae, kuká' taa mukók i hanís tawa kooín.

2 QOM'I 19:11

Ga/aawaak, Amaria kaahamusmoó úr oo Mungú, inós mura' sleémeero oo AAKOÓ MUNGÚ gun sagesihhimiit. Nee Sebadia garmoó Ishmaeli, ga/aawusmoó yaamaá Yuda, inós mura' sleémeero oo waawuti'iima gu sagesihhimiit. Múk tlahhoó Laáwi an geeraharuuserhúng. Mune hhe'eesé', nee AAKOÓ MUNGÚ ta dinkwa nee múk hhó'.»

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 28:12

Tam adoorihe inós aáng gina báy, «Dír hungu/usarhúng arengaay, heedaádá' aa slaaqaat i hungu/uusi, diirí an dír tay hungu/usa'.» Ala inooín iaaín ngina alií naatsiyé'.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 57:2

as kahhó' iwa dahi baraá wayda.» Mukdá' hoót ar adór ganaa', nin huungu/uusiyá' gawaá qatenooín.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 12:16

Alaá kaangwí bira waaraáhh, inooín barnaxes alhotaarír muk'eé' kaa intsatsaáhh ar muunuú ló', nee bar lo'o ngaa umuueér /ayiyé' tawa kaahi, ‹Ar adoodá' AAKOÓ MUNGÚ ir hotaatina.› Adoodá' aáng muk'eé' ngura intsaahhatisiyé' lo'o ngiwa /ayiya' ar mungú Ba'ali, daqaní inooín tari hoot baraá tla/ángw muk'eene.

YEREMIA 18:12

Ala inooín i kaahiya', ‹Tisíng a tawo. Adoorén tidá' ta sla'aan an eeharaán, nee umuú heewo in hoot ar adór aa ár baraá muunaáwós kudá' tlaakwe.› »

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 22:21

AAKOÓ MUNGÚ ina axweés nee kuungá' qoomár tawa baraá diihhooa, ala kuungá' tari oé', «U iiárií qaasanaaká.» Adoorí an adoodá' tar hotaatinda' iimír tawa masoomba. Kuungá' afór AAKOÓ MUNGÚ aga iialooesi'iiká.

YEREMIA 31:21

Loohirók tí alhooreseek, kikiár u geerahaar slahheek, ma sagaqwaaraar loohidá' ur ooharo, tidá' taa ót qoomár tawa tlatleer. Aá Israeli, kií/, amór do' ii ki/eek baraá gixsaduuwók.

YEREMIA 42:3

As kahhó' AAKOÓ MUNGÚ, Munguúwók loohidá' inós i slai ngi atén i laqan, nee adoodá' i slai ar ta tleehhaan.»

YEREMIA 44:16

«Axweesantisíng naa atén beér ar umuú AAKOÓ MUNGÚ atén a iiárií qaasanaaká.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

YEREMIA 7:3

AAKOÓ MUNGÚ Aleesleemusmo, Munguú múk Israeli, i kaahi, hotaahúng qoomeesaak nee tlehhmi'iihúng gan'aasaak, daqaní án kuungá' nu ya/aám tawa baraaká' wa hota'.

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

Luka 16:29

«Abrahamu iri oó', ‹Mose nee aaruuse i dayá'. Tidá' inooín ta kaahi ka iiárií qaasi.›

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Rumi 4:12

Slám inós a malé baabuú mukdá' taa al/utlín. Ala a as al/utlo kiloseeká, asma inooín baraá slafingw'ine haratlintaaoodár Abrahamu ngaa eehariyé', tidá' Abrahamu i kon iimír inós kuwa al/utliiká.

DABE 32:7

de'emaá bál qaro inslawaak, kureeraá yaariir awa naa waarahhiye' aldakutaak. Baabi'iihúng yaahasaak, kuungá' tunduqo mu/aywaats. Bariiserhúng yaahasaak, kuungá' tundu ádbáy.

Kolosai 2:6

Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.

Ebrania 11:2

Baabi'iirén awa aáng kaa hhooeemaá i lamabu'ún asma haratlintaaor'ín.

Ebrania 6:12

Atén a sla'aanaaká kuungá' tawa tli/uuse, ala kuungá' masók a adór mukdá' aa haratlintii', kudá' qiqtliím, as kahhó' muruudá' aa al'axweés kuwa ala'.

HAR'OHUUSE 2:17

Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.