YEREMIA 6:15 - Biblía Axweesantá Hhohho' ar Mungú 2004

¹⁵ Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

YEREMIA 6:15 Iomraidhean Croise

IIMU/UUNGW 19:34

Bál tsár dasír ur ar niina gana beér, «Ga/aaweek, aníng ana alqaataán nee baabá /isá'. U malé wahaasaán xweerakaákae, kiíng ta dát, ta qát dirós, as na/ii kiwa slawaan.»

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

YEREMIA 18:23

Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

YEREMIA 23:12

Gawaá adoorihe, loohir'ín tí dir'ine a adór loohír tar ninkiriitsiti ay baraá giwti, tidá' inooín kiwa tliwii/i niri huuhu'uná'. Asma aníng i amotlakwérí huúw qoomár muxtar'ín birna xeér. Anuú AAKOÓ MUNGÚ tí ngina oó'.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 44:10

Tam ay laarí inooín taa niinaweesi'iká, laqaá ti da'ayumitiiká, laqaá daber'eé' kaa eehariiká nee kaahir'eene, tidá' naa dír geeraahúng i qaás nee dír geeraá baabi'iihúng.

YEREMIA 5:29

Xáy, inqo máwa slahhto as muruuwí sleémeero naa tleehhi'i? Li/aay bu'uto uqo tsuwa máwa dír xoorór adór tihe? Anuú AAKOÓ MUNGÚ tí ngina oó'.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

ESEKIELI 2:4

Mukwí ku sage gawdén, nee aníng iga ilaiwa/amér i tleehhi'iiká. U ya/aáw amor'ín, kuúng inooín ki beer, ‹Aakoó MUNGÚ gár i kaahi a tí.›

ESEKIELI 24:7

Baraá gixsarihe taa tsu/uút, tseere kaa baraá hhapér i ku'uusiiká as kawa tipi, ala tseere kana ku'uús gawaá daanduú tlaa/a.

HOSEA 4:5

Kuúng dukuutsmo u tuu' qoomár tlaatla/aango, aarusmo dukuutsmo gu tuu' dinkwa nee kuúng qoomár xweeraawo, aníng aayorhúng a gaás.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

MIKA 7:4

Tam kudá' hhoó' baraá tla/angw'ine a adór fuquráy, nee heé ganaá' baraá tla/angw'ine a adór yawtá laqeelo. Qooma naa hardát ar Mungú mukwí nguwa muxi, adoodá' xuumuuser'ín ngira geerií gurbuú', asma xuumuuser'ín a aaruuse. Mukwí qoomaarihe dae gway eér, nay amoqwaariyá'.

SEFANIA 2:1

Kwasleema iigu'uusaak, ti buruumbude' kuungásíngá' xoorór mure wasl.

SEFANIA 3:5

Ala AAKOÓ MUNGÚ baraadae in hota ganaa' gár tlaakw ga baloó tleehhiiká, Umuú matlaatlér xawa sakwasleemarós tidá' ganaa' gan geehhooatimis. Umuú looár tlawa aa baloó munesi'iiká, ala tam adoorihe múk tlákw mure ga xuiiká.

SEKARIA 13:4

Baalaadár kilae umuúqo aarusmoowo iigu'utuwós gun murér wa ar, tam hiyaydá' se'éngw koóm nguri mayá' dahamisuwo as muu mukuwa malé al/agín.

Matayo 15:14

Mawaagáy. Muksíng a taampu awa tampaá hatlá' geeraharahará'. Taampa bar taampár hatlá' ngi geeraharahát, tsaraawo ta al /e/etín baraá bohoongw.»

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.