YEREMIA 6:12 - Biblía Axweesantá Hhohho' ar Mungú 2004

¹² Maray'ín ki múk hatlá' i haniis, tam qamuuín nee tlaaway'ine. Asma aníng múk yaamuuká' u slaáhh. Anuú AAKOÓ MUNGÚ tí ngina oó'.

YEREMIA 6:12 Iomraidhean Croise

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 21:5

Anuú kilá' ar buhhtaaeene nee kuungá' an slaqwaán ar dakw'eé' oo naa amorhúngií gan'aás, nee oo /uuruú koóm. An slaqwaán ar xaraasleema nee buhhtaá ló'wa ur.

YEREMIA 38:22

ga/aaweek, /ameena sleémeero tidá' taa geexáy baraá doó waawutmoó Yuda, kana huúw ay amór geeraharuusér waawutmoó Babuloni, i kat, ‹Waawutmo kwa al/aáy nee mulqeerós ar kilá' nee kuri baál, hám daxta inós aa /eét baraá buunqa, mulqeerós gwa baraadá' i geexeér.

YEREMIA 38:23

Tlaawaywók sleémeero nee daaqaywoge ki huuw amór múk Kaldayo, nee kuúng sleeme a /uuraaká. Kuúng tun ar tláy nee waawutmoó Babuloni, nee gixsarí kari daa/ ar asla.› »

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

WA/AA/I 2:8

AAKOÓ MUNGÚ aa tsabín koo/ír gixsár Siyoni ngiwa dahhi, himuduú qoomeemes gwa gawaawós i qaás, nee inós dakós gur ki/iiká as hhaamisaro ngiwa may. /Aampu nee koo/iro giri daahh, sleémeero gay hhaamiis.

WA/AA/I 3:3

Looeemaawo dakós guna tleés iwa slahhi, iri inkakií/ tlatla/aangw sleémeero.

WA/AA/I 5:11

/Ameenarén kana /uurúr ohín baraá gixsár Siyoniro, nee dasuurén sleeme baraá gixsadaá Yudawo.

WA/AA/I 5:2

Aalirén kaa haniís dír dahaaye, marayrén kin hoot nee múk hatlá'.

WA/AA/I 5:3

Atén a adór panaay, múk baabi'i wásl, amuurén a adór kwaeeli.

ESEKIELI 35:3

Kibeeto, anuú Aakoó MUNGÚ a kah, ‹Aníng nee kiíng ti araán, aá tloomár Seiri, dakw'eé' un tleés gawaawók, tari deewá' nee iri xaanxay tleéhh.

ESEKIELI 7:24

Xoorór ló'wa tlaakw ngi huúw. Inooín maray'ín ki sawaawuti'ín. Daara/angw'ín u faák nee wa/aamer'ín tidá' hhohho' ka meetagaas.

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

SEFANIA 1:13

Nee daqaari'iimar'ín tidá' ka hayoh, maray'ín niri sluhhuutiyá', Inooín tam maray'ín ki tleehhi ala ki hootiiká. Inooín tam sabiíbu ngu dahaasiia, ala difaáirós ngi wahiaaká'.»

SEFANIA 1:4

«Aníng dakw'eé' un tleés gawaá Yuda nee gawaá yaamuloouusér Yerusalemúr hoot sleémeero. Meetodár Ba'ali an hhaamiís as miwa geehhoouúr diirihe, nee munguúdá' ta bay Kemari dinkwa nee kaahamuuseerose.