YEREMIA 6:11 - Biblía Axweesantá Hhohho' ar Mungú 2004

¹¹ Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

YEREMIA 6:11 Iomraidhean Croise

ISAYA 40:30

Tam masoomba in nusqumít iri slaaqamít, tam masoombár daaqaay in huuhu'uún.

YEREMIA 15:17

Aga iwiitiiká dír dinku'uumár múk aa yaanda hhe'ees laqaá aga alqwalala/aniiká, aníng ana kilooeé' iwiít as /uuruuwók iwa gawaaeé'. Asma iga hatsís buhhtaawoge.

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

YEREMIA 9:21

«Asma gwa'ara naa baraá marayrénií dát ar pa/eeri, gwa'ara naa dát baraá marayrén, na/ii gina baraá lohdií tsú/, nee masoombarén gana tsú/ baraá tla/ángw gixsa.»

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

WA/AA/I 2:21

Tuaá bariise nee awa masoombaro naa tlufaafuiyé' baraá loohiro, dasuueé' nee masoombar'eé' ar daaqaay kaa tsuú/ ar paánga, kuúng ina tsú/ baalaadár buhhtaawoge, ina tsú/ ar gurtleemu wasle.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 3:3

Aluuwo iri báy, «Aá heewí, kitaábuuwí ni hanmiis /ayeek, guruuwók dalaa/eek.» Kitaábuudá' nguri /aáy, naxés baraá afkueene tsuaarirós a adór tiqár danú.

ESEKIELI 9:6

Bariise didár kilá' tiwa tsu/e', daaqaay nee dasuuwo, na/ii nee /ameenaaro. Ala heé taa gitsee/a layár i qaás mu kwatitara'. Dír hota'aá kilá' na giirisaak.» Naagáy bariisedár dír geeraá Doó Mungú kari giiriís.

MIKA 3:8

Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

Luka 17:34

Án a kah, xweeraadae hhawaataá tsár awa gawaá qatanír wák i diriiá', oo wák kur tláy, kuquú hatlá' kuri geexáy.

Tlehhema'aá ya/Abuuse 17:16

Paulo Sila nee Timoteo giri Athénér wa dán. Gixsadá' gari ár naxés aa háts slaqsa'aá munguaá hatlae, iri ló'wa gurhaamuút baraá muunaáwose.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»

Geehhoeemaá 16:1

Aníng afór ur ngiri axaás baraá Doó Mungú i alé. Afoorí malaykeedá' faanqw gari beér, «Tlawsé', slooqi'iidá' faanqw awa buhhtaá Mungú gawaá daanduú yaamu ti ku'use'.»