YEREMIA 6:10 - Biblía Axweesantá Hhohho' ar Mungú 2004

¹⁰ Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

YEREMIA 6:10 Iomraidhean Croise

WARA'AMI 1:2

Ala dabér AAKOÓ MUNGÚ gu sla'atimís, nee dabeedá' gan aldakuut tlaatla/aangw nee xweeraawo.

WARA'AMI 119:16

Axweesantók a saqwalalaá/. Tidá' kuúng ta kat a gunqareesaaká.

WARA'AMI 119:174

AAKOÓ MUNGÚ, aníng a ló'wa daamaraám iwa ba/amis, dabeerók an saqwalalaá/.

WARA'AMI 119:24

Tidá' kuúng naa ó' an qwal/uueé', asma ina gurbu'uún.

WARA'AMI 119:35

Geeraharáng hara'ayarók ngi óh, asma baraawose qwala/ un slasláw.

WARA'AMI 119:70

Daktu'uuma nga gur'ér wa dal/ané', ala aníng dabeerók an saqwalalaá/.

WARA'AMI 119:77

Án gurtlawáng daqaní aníng a slaáf, asma dabeerók a qwal/uueé'.

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

TI'INAANGW 6:12

Ala Mose AAKOÓ MUNGÚ guri báy, «Qaytsiít, muk Israeli aníng iga iiárií qaasiiká. Daxta alók an Faraówo oo aníng i iiárií qaás, anuúdá' axweesani qomeemesuwo ga xuaaká?»

ISAYA 42:20

Kuungá' muruú yaariír ugwa aandé', ala ugwa tsahhi'iiká, iia i mak tawo dayá', kár ala i axamisiaaká.

ISAYA 53:1

Heé kangwdá' taa axasaán gwaa haratlintii'? Nee /uuruú AAKOÓ MUNGÚ dír kway geehhooeés a dír heemá?

YEREMIA 35:13

«Anuú AAKOÓ MUNGÚ Aleesleemusmo, Munguú Israeli a kah, tláw múk Yuda nee yaamuloouusér Yerusalemu ka beer, ‹Xáy, kuungá' intsaahhasar'eé' nee axweesante'eé' iiárií qaasaro gár kas aleesleera'aaká?

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 5:21

«Iia qaasaak, kuungaáká' iimibo/ nee múk daktana, múk ilaá koóm ala i xumiisiiká, múk iaá koóm ala i axamiisiiaaká.»

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:26

Ala inooín aníng iga iiárií qaasi'iiká laqaá iga axasi'iiká, ala inooín nina ak sage gawduduyé', muruú ak tlákw nguna tlehhiitiyé' ta baabi'ii'ine.»

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

ESEKIELI 3:7

Ala múk Israeli kuúng u iiaárií qaasiiká, asma inooín aníng iiaárií qaasaro i slaiaaká. Múk Israeli sleémeerowo a múk sage gawdén nee muner'ine.

ESEKIELI 33:3

Heewí bar wakuuse ngaa ár i hi'ít, tarumbeéta gan ufaahh as muu nguwa gurbui.

ESEKIELI 33:9

Ala kuúng barnaxes heé tlaákw ugwa gurbú' as tlehhma'aá tlakw ngiwa may tlehhtuuwo, ala inós gi mamayká, inós aqo in gwaa' as dakuúsarós tidá', ala kuúng slafiingók ugwa tú/.»

AMOS 7:10

Aluuwo kaahamusmo Amasia oo gixsár Beteli afo gari ya/aáw amór waawutmo Yeroboamu oo múk Israeli, iwa kaahi, «Amos kuúng un safoliit dír mukwí alé, axweesanaywós kwí saqitluuwo u aslawanaaká.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 11:45

Heé wák baraá intsaahhatuusér hara'ayár Mosewo Yesu guri báy, «Intsaahhatusámo, gawaá axweesanaysíng ta kata, kuúng baré atén sleeme tin tsi'imís.»

Luka 20:19

Intsaahhatuusér hara'ayár Mose nee kaahamuusér uren ar Mungú kana tsaáhh gawaá slaqsayqaáqá' aa kaahi, a inooín gin kah. Gawaá adoorihe Yesu kuna loohi leelehhiít ar kur oohi siiwadár kilae, ala muu kuna da'ayumiít.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Yohana 9:40

Múk Farisayo bahh'alé, oo didaádií dirií', adoodá' kawa axaás, tari oó', «Ahaá, atén sleeme a taampúwo?»

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Rumi 7:22

Asma aníng baraá muunaáeene hara'ayár Mungú an sa qwalalaá/.

DABE 29:4

Ala tam ay laarí AAKOÓ MUNGÚ fuqurángw muruuwí kur tsahha' nee ilaá tar xumisa', nee iaá tar axasa' nga hanisiiká.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

2 Timoteo 4:3

Asma qooma i hardát ar muu intsaahhatimisuuduú ló' nguwa si'i. Aluuwo intsaahhatuuser'ín ar yaariir kari leeleehh ar adoodá' inooín ta slai, as intsaahhatimisuudá' inooín ta slai kuwa axamiisi.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.