YEREMIA 52:6 - Biblía Axweesantá Hhohho' ar Mungú 2004

⁶ Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

YEREMIA 52:6 Iomraidhean Croise

2 WAAWITÁ 25:3

Bál slahhángw tsiyáhh tawa gwaleél, qwari ina ló'wa tsimamiíhh baraá gixsaro, tam gár hee ir áfkwár kay iri qwát.

ISAYA 3:1

Ga/aawaak Aako, AAKOÓ MUNGÚ Aleesleemusmo, baraá Yerusalemu nee Yudawo nu harahhifo hingees, nee haraxu'utír muruú /aymaro, nee ar muruú wahaangw sleémeero.

YEREMIA 15:2

Burta báy, ‹Amór ti tlawaan a amá?› Ki beer, AAKOÓ MUNGÚ i kaahi, ‹Kudá' ta tsu/i ar tiqtír pu/i, ki tsuu/ ar tiqtír pu/i. Kudá' qatlá' ar kiwa tsu/i baraá slaqwara, ki tsuu/ baraá slaqwara, kudá' ta tsu/i ar qwari, ki hhaamiis ar qwari, kudá' tar tlay baraá loohaay, aqo kin ar tláy.›

YEREMIA 19:9

Bál mukwí burkwa /amaatseék nee wakuuser'ín nee mukdá' gi baramaanuús nee kudá' gi tsu/utár wa slaá', mukwí tsaxwaá yaariir gi sláy, tam fu'unaá na/ii'ín awa daaqaay nee awa dasuwo kiri /aay, nee umuúqo heewo fu'unaá inslaawmoowós giri /aay.›

YEREMIA 21:9

Heé baraá gixsarí meét ku gaas ar paánga, laqaá qwari gun gaas laqaá pu/i gun gás. Heé aa tsee/ií ti'iit, dabaawós giri haniís dír múk Kaldayo, kudá' gixsa ngaa harweeriye', heewí ku gaasiiká, eeít slafiingós gu tuu/.

YEREMIA 25:10

Aníng afor'ín ar qwala/ nee ar bara/, nee ni/imár /ayla, nee afór xoosliingw a qwaareés dir'ine nee tsaa'asór oh a gaás dir'ine.

YEREMIA 37:21

Waawutmo Sedekia hara'aya gari oó', Yeremia kuwa tseegi dír afeenidá xuumuuse i xumxaaxuun, nee kuwa mikaátér i hanimisi umuú deelooro nee mukdá' mikaátér tlehhahhiít ay dír mikaatedá' ii fak baraá gixsaadae. Naagáy Yeremia iri dír afeenidár xuumuusér wa hotaatín ay qoomár gixsár Yerusalemu kawa hayóh.

YEREMIA 38:9

«Waawutámo, aakooeé', mukwí adór tlaakw gaa tleéhh, aarusmoodá' ta bay Yeremia ngwa /aytisiyé' baraá hhalaangw, heeqá' i gwaa' qwarko, asma muruú /aymár aa baraá gixsárí meet i kaahh.»

YEREMIA 39:2

Bál slahhángw tsiyáhh tawa gwaleél oo kurkú mibaá nee wák iimír Sedekia, tawa waawutmo, koo/ír gixsár Yerusalemu kana fooxiís.

WA/AA/I 1:11

Mukós sleémeero i baraá /ifo, as tawa gár /aymár leelehhiiti, daqaari'iimar'ín ngin muruú /aymár ar tlaxún as tiwa tu/iya' i kaahiya', «AAKOÓ MUNGÚ, ti i qaytsit, asma atén taa waaqaá'.»

WA/AA/I 5:10

Atén ana tsi/imitaán adór bohóngw asla, asma qwari tiwa dá/.

ESEKIELI 14:13

«Heewí, barnaxes xoororka tlakweema gaa tléhh as inkihhimu wasle dir'eene, aníng dakw'eé' nguri tleés gawaaín i aleeró, as ngiwa sakwasleemuut. Muruú /aymar'ín kudá' na amohhe'esiyé' un hhaamiís nee ngiri giyeédií huúw. Muu nee makay'ine ngiri tsuú/,

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 31:1

Slahhángw tám bál tawa wak, kurkú mibaá nee wak, iimír atén tiwa loohatís, axweesantá AAKOÓ MUNGÚ ana axaás, i kat,

ESEKIELI 5:16

Qoomaadae maheerieé' kudá' ngwatsayen awa qwari ngin tlaquút as iwa slaya', yaamuloouuseerók ngari hhaamisiyá'. In tsuú/ ar qwari, asma balangw'ín kudá' naa batsiyé' un hhitiím.

ESEKIELI 7:15

«Heé tsee/aá gixsár i dirií' ku gaas ar paánga, nee baraá gixsaro tiqtír pu/i nee qwari muu ngun faakiyá'. Múk baraá qamu ta qaatl ar paánga, kudá' baraá gixsár i diriiá' kin hhaamiis nee qwari nee tiqtír pu/i.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

DABE 32:24

Inooín qwari gi hhaamiis, nee duuraai gin fák, i tiqtír tlákw i kwaáhh. Aníng i makaá xaraaslá' i tleés, nee dayshér qarkú koom, tidá' gur'ér ar hi'imiit.