YEREMIA 52:15 - Biblía Axweesantá Hhohho' ar Mungú 2004

¹⁵ Nebusaradani muu sleémeero kuduú narkuute aa meet baraá gixsa, nee kudá' daba' ga haniis dír waawutmoó Babuloni dinkwa mukdá' maraá xuú' tlehhtuwo, guna loohatís yaamaá Babuloni.

YEREMIA 52:15 Iomraidhean Croise

2 WAAWITÁ 25:11

Nebusaradani, geeraharusmoó xuumuusér waawutmo, muu sleémeero kudá meet baraá gixsa, nee kudá' sleémeero daber'ín ngaa haniisiye' dír waawutmoó Babuloni, guna loohatís.

2 WAAWITÁ 25:8

Bál slahhángw kooán tawa faanqw kurkú mibaá nee gwaleél oo waawuti'iimár Nebukadnesa waawutmoó Babuloni Nebusaradani geeraharusmoó úr oo slaqwaruusér waawutmo, ina dáh baraá yaamaá Yerusalemu.

YEREMIA 1:3

Slám Yeremia axweesantí gana malé axaás de'emaá Yehoyakimu garmoó Yosia waawutmoó Yuda. Ina kumiít axamisuuwo ay alhhe'eesoó kurkú mibaá nee wak oo waawuti'imár Sedekia, garmoó Yosia waawutmoó Yuda, tam ay slahhángw kooán qoomár múk Yerusalemu kuwa loohatís.

YEREMIA 39:9

Naagáy Nebusaradani geeraharusmoó xuumuuse mukdá' sleémeero aa meet baraá gixsár Yerusalemu guri huúw baraá yaamaá Babuloni, nee kudá' sleémeero naa amoorós i haragwaaiye' dinkwa nee kudá' sleémeero naa meetiye'.

ESEKIELI 12:11

Kibeeto, kuúng an laya dir'ine, adoodá' taa tléhh an adoodá' tleehharuut dir'ine. Inooín ki huuw baraá loohaay, kiri ar tláy tawa haasaáng.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.