YEREMIA 52:13 - Biblía Axweesantá Hhohho' ar Mungú 2004

¹³ Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

YEREMIA 52:13 Iomraidhean Croise

1 WAAWITÁ 9:8

Ala do'owí iri taanguut, aluuwo tam umuúqo heé waaraahha iri kwisliit guri niqimis. Inooín tari ooi, ‹Ahaá a milá? Gár AAKOÓ MUNGÚ ayaawí nee do'owí ngisa adoorí laáq?›

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

YEREMIA 19:13

Maraá Yerusalemu nee maraá waawituú Yuda, nee umuú do'o oo daárirós kawa mooyángw wa daá/ dír tsatse/ú doori, nee ilahhooadár tsipipi'iisa ar difaái kawa hanmiisi dír munguaá hatlá', marayká' sleémeero ki meetagaas adór didár Tofeti.› »

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

YEREMIA 22:14

Inós i kaahi, «Aníng doó yangaariír un tleéhh, ngway qoroófár úr i tleéhh,» guri pa/eerií tleéhh, peehhoó sahhta guri koo/ír dó' ar tleéhh, guri qaalín ar kal'aá da/aten.

YEREMIA 32:29

Múk Kaldayo kwí gixsarí ga i slaáqw, nin hardah, gixsa kari ásltí qaas, dinkwa nee maraydá' gawaá daáriro tawa mooyángw da/aa/an dír munguúdá' ta bay Ba'ali, nee ilahhooár difaái kawa tsiririximisi dír munguaá hatlá', as aníng tiwa mune duuxi.

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 38:23

Tlaawaywók sleémeero nee daaqaywoge ki huuw amór múk Kaldayo, nee kuúng sleeme a /uuraaká. Kuúng tun ar tláy nee waawutmoó Babuloni, nee gixsarí kari daa/ ar asla.› »

YEREMIA 6:5

Naagáy daxta a haraatlawaán xweeraawo, maraá waawitá i hhaamisaán.»

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

WA/AA/I 2:6

Do'ós guna feé/ adór inslángw baraá asalmo, didá' deelór ur kawa tlehhaahhiti gana taangúy. AAKOÓ MUNGÚ deelór ur nee deelór Sabaáto gaa qwaareés baraá Siyoniro, waawutmo nee kaahamusmoowo gaa sií' ar buhhtaawós.

WA/AA/I 2:7

Aako kitaangós kuduú ilahhooa gwaa niqín, dirós tidá' hhoohhoo' gaa sií', Do'ós kuduú waawuti'iima gwaa qaás gawaá dabaá wakuuse, niri tsimahhuusiyé' baraá Doó Mungú wa alé adór múk baraá deelór úr i dirií'.

WA/AA/I 2:8

AAKOÓ MUNGÚ aa tsabín koo/ír gixsár Siyoni ngiwa dahhi, himuduú qoomeemes gwa gawaawós i qaás, nee inós dakós gur ki/iiká as hhaamisaro ngiwa may. /Aampu nee koo/iro giri daahh, sleémeero gay hhaamiis.

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

AMOS 6:11

AAKOÓ MUNGÚ hara'aya gaa oó', doó úr iri feehhamiit, doó niiná iri suwa tleehhiit.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

SEKARIA 11:1

Aá Lebanoni, afér do'ók gweereek as asla sahhtaarók ngiwa /ak.

Matayo 24:2

Yesu eeharuuseerós gari báy, «Tí sleémeero a ga/eerá'a? Án a kah, tlaa/anoó gawaá kuqí meét oo ta fee/iiká i kaahh.»