YEREMIA 52:1 - Biblía Axweesantá Hhohho' ar Mungú 2004

¹ Sedekia waawuti'iima ngiwa iimu/ún kureeriiwós a mibeeri tsár nee wak. Inós kureeraá waawuti'iima baraá Yerusalemu ngaa /aáy a mibaá nee wak. Aayoorós umuuwós a Hamutali dasír Yeremia, yaamuuloousmoó gixsár Libna.

YEREMIA 52:1 Iomraidhean Croise

2 WAAWITÁ 23:31

Yehoahasi waawuti'iima ngiwa iimu/ún kureeriiwós a mibeeri tsár nee tám, inós baraá waawuti'iimaro slahheeri ngaa /aáy tám baraá Yerusalemuro. Aayoorós ka babay Hamutali dasír Yeremia kuduú yaamaá Libna.

2 WAAWITÁ 24:18

Sedekia waawuti'iima ngiwa iimu/ún kureeriiwós a mibeeri tsár nee wak. Inós baraá waawuti'iimaro kureeri ngaa /aáy a mibaá nee wak baraá Yerusalemuro. Umuú aayoorós a Hamutali dasír Yeremia kuduú Libna.

2 WAAWITÁ 25:1

Bál slahhángw mibaangw tawa mibaangw oo kurkú gwaleél oo waawuti'iimár Sedekia, Nebukadnesa waawutmoó Babuloni nee slaqwaruuseerós nina haratlayé' baraá gixsár Yerusalemu, kari harweér, koo/ír gawit kari tleéhh.

2 WAAWITÁ 8:22

Gawaá adoorihe, tam ay laarí múk Edomu aa sií' kuwa sawaawuti'in nee múk Yuda. Qoomaadár kilae, múk Libna sleeme ina sií' kuwa sawaawuti'ín nee múk Yuda.

2 QOM'I 36:11

Sedekia waawuti'iima ngiwa iimu/ún kureeriiwós a mibeeri tsár nee wák, ina baraá Yerusalemúr wa waawuti'ín kureeri mibaá nee wak.

ISAYA 37:8

Geeraharusmoodá' iwa kií/ gari axaás adór waawutmoó Ashuru ira quútl baraá Lakishiro, iri tláy naxés gixsár Libna gana i haratláy.

YEREMIA 21:1

Axweesantí an tidár AAKOÓ MUNGÚ ar Yeremia aa axaás qoomár waawutmo Sedekia, Pashuri garmoó Malkia nee kaahamusmo Sefania garmoó Ma'asea ngiwa ya/aáw amór Yeremia, kuwa bay,

YEREMIA 39:1

Qoomár slahhángw mibaangw oo kurkú gwaleél iimír waawutmo Sedekia waawutmoó Yuda, waawuti'iima ngiwa iimu/ún, waawutmo Nebukadnesa waawutmoó Babuloni nee slaqwaruseerós gixsár Yerusalemu kana i haraatláy, kari haraaweél.

YEREMIA 51:59

Kaangwí an kudá' aarusmo Yeremia aa hara'ayín Seraya garmoó Neria, garmoó Ma'aseya, qoomár Seraya nee Sedekia waawutmoó Yuda tawa Babuloni káy, bál kurkú tsiyáhh oo waawuti'iimár Sedekia. Seraya a geeraharusmoó slaqwaruuse.

HABAKUKI 1:17

«Xáy, mukduú baraá baratsufayín i dirií' ngu duuxiiaakáhe? Xáy! Aqo xoordu kin tsu/aa/ína ay alhhe'eesay wasle? Ki baloó gurtlaykáhe?»

YOSHUA 10:29

Yoshua nee múk Israeli sleémeero tindina Makedár wa tláy, Libna kari i haratláy.

YOSHUA 15:42

Gixsadaá hatlá' a Libna nee Eteri, nee Ashani