YEREMIA 51:60 - Biblía Axweesantá Hhohho' ar Mungú 2004

⁶⁰ Yeremia amotlakweedá' sleémeero Babuloni ga slaw gana baraá kitaábií gooín, axweesanaydá' sleémeero taa aaín daanduú Babuloniro guri gooín.

YEREMIA 51:60 Iomraidhean Croise

ISAYA 30:8

Mungú aníng iri báy, «Tláw /aymi'iiká' gooimeek gawaá peehhi, dír geeraaín tiwa gooiin baraá kitaábu ti dahas, as kahhó' iwa lamabu'uungw tleehhitiyá' de'emaá hi'iita'a ay alhhe'eesay wasle.

YEREMIA 36:32

Aluuwo Yeremia kitaábuú hatlá' guri taataáhh, guri haniís dír goousmo Baruku, garmoó Neria kudá' axweesantadá' aáng Yeremia aa káh gaa gooin, tidár baraá kitaábuuduú geera, kudá' Yehoyakimu waawutmoó Yuda aa daá/ baraá asla, /ayma'aá hatlá' awa adór kudá' kiri amor'ínií doók.

YEREMIA 51:1

AAKOÓ MUNGÚ i kaahi, «Ga/aaweek, aníng fur'a an dúk ar Babuloni ga hhitiim nee yaamuloouusér Kaldayoro.

YEREMIA 51:61

Yeremia Seraya guri báy, «Gám bara hardát Babuloniro, kaangwí sleémeero ku soomús dír múkwí ale.

DANIELI 12:4

«Ala kuúng hám Danieli, muruuwí qaaseek baraá lu/aaráy, kitaábuuwí tseegeek nee ku dugunó i qás ay dír qoomár alhhe'eesay i hardat. Múk yaariír i ta'aaín amorqá' nee taqae, nee fuquraangw i ló'wa doogín.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.