YEREMIA 51:59 - Biblía Axweesantá Hhohho' ar Mungú 2004

⁵⁹ Kaangwí an kudá' aarusmo Yeremia aa hara'ayín Seraya garmoó Neria, garmoó Ma'aseya, qoomár Seraya nee Sedekia waawutmoó Yuda tawa Babuloni káy, bál kurkú tsiyáhh oo waawuti'iimár Sedekia. Seraya a geeraharusmoó slaqwaruuse.

YEREMIA 51:59 Iomraidhean Croise

ESRA 5:12

Ala qoomár baabi'iirén Munguú doori nee yaamu nguwa buhhtisiyé', ina buúhh giri haniís gawaá dabaá Nebukadnesa waawutmoó yaamaá Babuloni, heé Kaldayo, inós an heé do'owí gwaa hhitin, muu gurir tláy ay yaamaá Babuloni.

YEREMIA 28:1

Kurkuduú kilae, slahhángw kooán oo kurkú tsiyáhh oo waawuti'iimár Sedekia waawutmoó Yuda, Hanania garmoó Asuri, aarusmoó gixsár Gibeonír daáhh, ina dir'eé' axweés baraá Doó AAKOÓ MUNGÚ wa alé. Ina i axweés dír geeraá kaahamuusér Mungú wa ale, nee geeraá muu sleémeero, iri báy,

YEREMIA 32:12

Gooidá' taa gooín as qaymoodá' tlaxwa ngay haniís dír Baruku garmoó Neria garmoó Ma'aseya, dír geeraá garmoó maamáy'eé' Hanameli nee lamabu'uuse, tidá' duguno gwa qas gawaá gooidá' taa gooín as qaymo tlaxwa. Adoorí kana tleéhh dír geeraá muu sleémeero oo Yahudi, kudá' aa iwiit dír matla/ángw xuumuuse.

YEREMIA 36:4

Aluuwo Yeremia Baruku garmoó Neria guri ateét. Baruku axweesantadá' sleémeero Yeremia aa káh gari gooín, tidár AAKOÓ MUNGÚ ngwa báy.

YEREMIA 45:1

Qoomár kurkú tsiyáhh oo waawuti'iimár Yehoyakimu garmoó Yosia, waawutmoó Yuda, Baruku garmoó Neria, axweesantá aarusmo Yeremia gana naxeetín gooiro baraá kitaábu. Baruku kuri báy nee Yeremia,

YEREMIA 52:1

Sedekia waawuti'iima ngiwa iimu/ún kureeriiwós a mibeeri tsár nee wak. Inós kureeraá waawuti'iima baraá Yerusalemu ngaa /aáy a mibaá nee wak. Aayoorós umuuwós a Hamutali dasír Yeremia, yaamuuloousmoó gixsár Libna.