YEREMIA 51:57 - Biblía Axweesantá Hhohho' ar Mungú 2004

⁵⁷ Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

YEREMIA 51:57 Iomraidhean Croise

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YEREMIA 13:13

Daqaní ki beer, ‹Anuú AAKOÓ MUNGÚ múk yaamuuká' un oonitamís, iimír waawitá kudá' waawuti'iím kitángw Daudi wa ale, nee kaahamuusér Mungú, nee aaruuse nee muu sleémeero oo Yerusalemúr hoót.

YEREMIA 25:27

AAKOÓ MUNGÚ, aníng iri báy, inooín ki beer, «Anuú AAKOÓ MUNGÚ Aleesleemusmo, Munguú Israeli, a kah, ‹Wahaak, oonimité' nee ta wa/amiindá', ta huhu'uundá', ma baloó tlawaara' malé aleeró, asma tsu/utaadá' ni huuw tla/angwhúng i ale.›

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 48:15

Kudá' Moabu aa hhaamiís nee gixsaduwose naa hardáh, masoombar'ín tidá' hhohho' kaa tsu/utár áy.» Tí Waawutmo gan kah, kudá' umuuwós ta bay AAKOÓ MUNGÚ Aleesleemusmo.

YEREMIA 50:30

Gawaá adoorihe, masoombar'ín ka tsuu/ baraá afeeni nee slaqwaruuser'ín ka hhaamiis baalaadae. Anuú AAKOÓ MUNGÚ tí ngina oó'».

YEREMIA 51:39

Inooín hheehhár /ayma gi eér, aníng ngiri muruú /aymár úr i amohhe'eés, inooín ngiri xufitiís nay ta/amitiyá', inooín tan guu' ta daarkitiiká, nee sleeme ta baloó tlayká. Anuú AAKOÓ MUNGÚ tí ngina oó'.

ESEKIELI 20:33

«Adoodá' aníng nir hotaatima, anuú Aakoó MUNGÚ lo'o aga /aáy, ana oó', ‹Aníng kuungá' nu sawaawuti'iím ar dakw'eé' oo ló'wa /uuruú koóm ar xarasleema, nee nuri i buúhh.

NAHUMU 1:10

Inooín tam adór laqayaá taa nagwahhii'i, tam ni hirqamitiia nari ma'aay tleehhiiyá' as xuftár difaáir'ín, ala kin qororo'oos, adór hhaanslaá kaaharén wa alé.

NAHUMU 3:18

Aá waawutmo Ashúru, de'eemuuseerók aa gú', mukók kudá' ta ilaiwawa/i aa gufiís, mukók aa tsiyayaxaát gawaá tlom'i, tam heé gi burumbuuriím i kaahh.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.