YEREMIA 51:51 - Biblía Axweesantá Hhohho' ar Mungú 2004

⁵¹ Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

YEREMIA 51:51 Iomraidhean Croise

WARA'AMI 109:29

Wakuuser'eé' ka tsi'isi, mure ngi tsiitiye' adór tlawú wa ale.

WARA'AMI 71:13

Kudá' aníng tlampa'aamisá' ki mureekeesi, nee ki hhaamisi kudá' aníng i gár tlaakw i sla'á', ki niqin nee ki waaqaai.

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

WARA'AMI 79:12

Aá Aakoó Mungú, xoordukaá digimuú inslaawaay awa kuúng u /oosliislimá', li/aay gawaaín ti bu' sagaáwa faanqw.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

WARA'AMI 89:46

AAKOÓ MUNGÚ, ay xaylá kuúng ta nahhamaamit, ay alhhe'eesay wasleéro? Ay xaylá buhhtaawók i ohaahina' adór asltá wa ale?

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

YEREMIA 14:3

Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

YEREMIA 25:26

Waawitá sleémeero oo /iya kudá' sawén nee oo tsewene, oo wák alaá kuqá', nee waawuti'iima sleémeero baraá yaamuwo xooslomoowí ku wah. Nee alaá kuká' sleémeerowo waawutmoó Babuloni gun wah.

YEREMIA 31:19

Asma alaá atén tawa dee/aanuutaán ana hhu'uu'umaán, alaá tiwa intsaahhatís ana gurhamuutaán, tari mureekesuutaán tari amoqwaaraán, mureekesoó iimír masoombi'iimarén tin alkomkaakón.›

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

WA/AA/I 1:10

Wakuuse daber'ín gaa looloqós, gawaá muruudá' sleémeero tlaxo gawdén. Inós xoordu gaa aán niwa daraahiya' didá' hhoohhoo', mukdá' kuúng taa sí' niwa dahiya' baraá alqaatír mukók.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

WA/AA/I 5:1

AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 36:30

Aníng mamaá xaai nee balángw qamu i tlahhás, as mutunduwa murekeés ar giyeé tidá' tla/ángw xoorduuwo.

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

ESEKIELI 9:7

Giri báy, «Doó Mungú meetagaasaak, afeenirós tuií dalaa/aak. Gimsé', tlawé'!» Naagáy tari tláy, muu kuri tsuú/ baraá gixsadae.

DANIELI 11:31

Slaqwaruuseerós muruú ta waki kun dahaas baraá Doó Mungú nee baraá gixsa. Ilahhooadár da/aa/aangw ar umuú baala kan ilaa/. Gadaádá' ta waki gan sihhtis baraá Doó Mungú.

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.