YEREMIA 51:43 - Biblía Axweesantá Hhohho' ar Mungú 2004

⁴³ Gixsaduuwós naa gár dae tlaaq tleehhitiyé', yaamuuín naa qor'otiyé' nee a xaanxaay, yaamaá ta hootiiká, yaamaá tar waraahhiiká nee muu.

YEREMIA 51:43 Iomraidhean Croise

WARA'AMI 46:8

Qwalaasé', araak tlehhma'aá AAKOÓ MUNGÚ. Inós tlehhma'aá waa/oo/amo gina tleéhh awa dae tlaaqá' baraá yaamuwo.

ISAYA 13:20

Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 34:13

Slaamboqáy niri ti'iit gawaá koo/ir'ín tidá' gawdén wa alé, te'eesmó nee laqayawo niri ti'iitiyá' baraá koo/ir'ín wa alé, tari dír tawer iwa hooti, sakwel iri baraadií waatl.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 50:12

yaamuuhúng kudaá xwayliitó'órhúng ki mureekees. Aayorhúng baraá yaamuukae ka mureekees. Tí ar ló' Babuloni tari xoorór alhhe'eesáy baraá xoorduwo. Iri darma tleehhít, nee yaamaá kaahar nee xaanxaay.

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 51:37

Babuloni a taangu tleéhh, tari mar'ír intsaawe i hot, tari dír dae tlaaq, tari dír ta waaqaseesen, nee heé baraadá' wa hoót iri kaahh.

YEREMIA 51:62

Naagáy aluuwo ka alhhe'és ar axweesantí, ‹AAKOÓ MUNGÚ, kuúng daanduú yaamuukae ana ó', i hhaamís nee gár baraaká' i meet i káhh, muu laqaá makaay, yaamuuká' nin xaanxay tleehhitiyá' ay alhhe'eesay wasle.›