YEREMIA 51:42 - Biblía Axweesantá Hhohho' ar Mungú 2004

⁴² Tlawi naa haratleér amór Babulonírí ale, Babuloni kaa tuuntuúk nee /ur/urtá gwaanduú ma'aay.

YEREMIA 51:42 Iomraidhean Croise

WARA'AMI 18:16

AAKOÓ MUNGÚ dakós nguna gáwtá wa tleereés aníng iri taataáhh, iri baraá ma'aá yaariír wa duúx.

WARA'AMI 18:4

Tsaxwaá gwa'ara ina /amatseegiyé' bihhe sleémeero. Hhituru'uuma ina dae tsát adór alwuo.

WARA'AMI 42:7

Aníng iga gurhaamír ar gás, a slaqás nee heé baraá tla/ángw iloó hhaahhoó ma'áy dirií', kwaáo umuú barto ma'aay in gawaeénár ohiná'.

WARA'AMI 65:7

Xuuraaír tlawi nee gwaanduú ma'aay in xasltimís, nee sleeme tsimaahhír xoordu an xasltimís.

WARA'AMI 93:3

AAKOÓ MUNGÚ, alwo i xuurú', alwo i xuurú' ar afór ur, alwo naa /ur/urít ar /uuru.

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

YEREMIA 51:55

Asma Anuú AAKOÓ MUNGÚ Babuloni a xaanxay tleéhh, afoorós tidá' yaariir a xasltís, wakusmooín i /oorootl adór gwaanduú maa'aá yaariir, tsimaahhir'ín i doogigiín.

ESEKIELI 26:3

Gawaá adoorihe, anuú Aakoó MUNGÚ a kah, Aníng daxta nee kiíng Tiro ti araán. Xoordaá yaariir ngi tleés, inooín kiíng in i haratlayá' adór gwaanduú ma'aay.

DANIELI 11:10

«Daaqoó waawutmoó /iya slaqwaruusér yaariir ngi burumburiyá' nee slaqwararo tari amoohhe'eesiyá'. Slaqwaruuseedá' iri geerií kumít adór alwuór ma'aay nee tari slaaqw ay dír koo/idá' gawit ar wakuuser'ín.

DANIELI 7:2

Danieli iri oó', «Aníng iigu'utu una ár xweeraawo, naxés fur'a i fukuukú' bihhe sleémeerowo nee i tlawtá /eeragaamís.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

Luka 21:25

«Qoomaadae laya kingi laqán ar gawaá tsee/amá, nee slahhaangw nee tsetse/. Nee baraá yaamuwo muu i baraá slahh'amuú yaariír i dirii', ta baraá daér yaariír i dirii', asma adoodá' tlawi iwa amoqwaqwadiin.