YEREMIA 51:30 - Biblía Axweesantá Hhohho' ar Mungú 2004

³⁰ Slaqwaruusér Babuloni slaqwara gaa harslaaqát, naa meetiyé' baraá ku/er'ín tidá' gawden, /uureemooín naa faakiyé'. Inooín an adór /ameena, maray'ín kaa daá/ ar asla, muqslár afér maray'ín kaa giqáy.

YEREMIA 51:30 Iomraidhean Croise

WARA'AMI 107:16

Inós afkú doó muqslír sirdaa/aat gu aleesláy nguwa geeqay, nee muqsladá' tira tsegiít ngiwa tlaaqi.

WARA'AMI 147:13

Asma inós nahha ga gawdees tseegamooro, daaqoó baraá do'ók gu tsuuq.

WARA'AMI 76:5

Miguuse ana mura' hayót, inooín nari slar/amiitiyé' gu'uteero adór múk aa qaatl, nari daba' tsatiitiyé'.

ISAYA 19:16

Baalaadae múk Misri tari da'ayumiit adór /ameena, tari kitlkiitl daeero as dakwduú AAKOÓ MUNGÚ Aleesleemusmo aa gawaaíní tleés.

ISAYA 47:14

Ga/aawaak, inooín a adór hhaanslaá kaaharen awa asla i /ak. Inooín dír /uuruú tsángw aslto ti aleeslay'aaká /iisaro. Gaarí a asltá hhamhhám, ka axwanemamisiiká.

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 50:15

Tsee'é' bihhe sleémeerowo, daxta Babuloni aa ya/a/aán, maraywós kudá' uren naa huuhu'uné', koo/irós ka fee/. Asma AAKOÓ MUNGÚ li/aay gun buu' daanduú Babuloniro. Gimsé' li/aay buaak. Adoodá' inós aa tlehhaahhít tay tlehhe'.

YEREMIA 51:32

Duxe kaa hayóh, koo/i kaa daá/ ar asla, slaqwaruuse aa daandeemo feehhamít.»

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

NAHUMU 3:13

Ga/aaweek, xuumuuseerok a da'ayuuse adór /ameena, afér dahmuú baraá yaamuuwók i kístí dirí' dír wakuuseeroge, asla duuxuteerós sleémeero gaa /ák.

Geehhoeemaá 18:10

Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»