YEREMIA 51:29 - Biblía Axweesantá Hhohho' ar Mungú 2004

²⁹ Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 51:29 Iomraidhean Croise

ISAYA 14:16

Kudá' sleémeero kiíng iga ariye' tin ilií duxún, in aldakwiyá' tari ooi, ‹Heewí an kudá' yaamu gaa daaraxaási? Kwí an kudá' waawuti'iima gaa diingiísí.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 50:13

As xarasleemaá AAKOÓ MUNGUHE yaamuuká' yaamuloouusér gi hoot i káhh, ala kin ló'wa deewa'atis, umuúqo heé aa baraá Babulonír ar waaraahhi in daanda feehhiit, gari niqín asma inkahhi'iidá'.

YEREMIA 50:36

Qatlo i gawaá qwaslaare, asma inooín i daktu'uumitiyá', qatlo i gawaá miguuser'ín, asma ki hhaamiis.

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.

YEREMIA 50:46

Kududuhoó hayoohár Babuloni yaamu gi daaraxaas, nee /aa/eeín kiri axaas baraá tla/ángw xoordaá hatlae.»

YEREMIA 51:26

Tam tlaa/anoó ta dirógí leehhi oo ta qaasi dír qul/ír do' i kaahh, tlaa/anoó ta qaasi baraá ihhafiirír do' i kaahh, ala an xaanxay tleehhít daqisleém. Anuú AAKOÓ MUNGÚ tí ngina oó'.

YEREMIA 51:28

Xoordu amohhe'eesaak as tawa slaqwi nee inós, waawituú Mede amohhe'eesaak nee ga/awuuse nee saayuuser'ine, nee umuúqo yaamaá baraá waawuti'iimar'ín i diriiá'.

YEREMIA 51:37

Babuloni a taangu tleéhh, tari mar'ír intsaawe i hot, tari dír dae tlaaq, tari dír ta waaqaseesen, nee heé baraadá' wa hoót iri kaahh.

YEREMIA 51:43

Gixsaduuwós naa gár dae tlaaq tleehhitiyé', yaamuuín naa qor'otiyé' nee a xaanxaay, yaamaá ta hootiiká, yaamaá tar waraahhiiká nee muu.

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

Yoeli 2:10

Yaamu in daraaxiyá' geeraine, doori in daraaxiyá', looa nee slahhaangw giwti giri ót, tsatse/ gwa/aateema gin máy.

AMOS 8:8

Gawaá adoorihe yaamu niri daaraxatiyá', nee kudá' baraadá' hootá' niri tsuunqumisiyá'. Nin tsa/aná' nay aweeriyá' adór ma'aá yaaér Nili ir hatsina' niri /aaruyá'.»

Geehhoeemaá 18:2

Malaykamoowí iri tseé' ar afór ur iri oó', «Babulonidá' ur aa hú'. Inós aa hotángw neetlaamér tlakw tleehhít, nee slám a mar'ír neetlaameedá' slasla/aren, nee a mar'ír umuúqo tsir/ír tlaakw, tidá' ta ahhiiti.