YEREMIA 51:24 - Biblía Axweesantá Hhohho' ar Mungú 2004

²⁴ AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

YEREMIA 51:24 Iomraidhean Croise

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

ISAYA 48:14

Sleémeero dinkwa i burumburitaak iia qaasaak. Heé baraá tla/angwhunge kaangwí gwaa alki/iit a heemá? AAKOÓ MUNGÚ Koreshi gu slaa', inós tidá' Mungú i slai ga boo/ees daanduú Babuloniro, inós múk Kaldayo gu i haratláy.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

ISAYA 66:6

Áx gimsé' iia qaasaak, tsimaahhi i baraá gixsa. Afo i baraá doó Mungú, afór AAKOÓ MUNGÚ wakuuseerós ngiwa li/áy bu'un.

YEREMIA 25:14

Múk Babuloni tari lawaalér xoordaá hatlá', nee kiri sawaawuti'ín nee waawitá. In buú' ar har qoomoó tlehhmi'ii'ín kudá' naa tlehhiitiyé'.› »

YEREMIA 50:10

Yaamaá múk Kaldayo kin hayoh, mukdá' sleémeero gaa hayoh tari hhe'ees. Anuú AAKOÓ MUNGÚ tí ngina oó'.»

YEREMIA 50:15

Tsee'é' bihhe sleémeerowo, daxta Babuloni aa ya/a/aán, maraywós kudá' uren naa huuhu'uné', koo/irós ka fee/. Asma AAKOÓ MUNGÚ li/aay gun buu' daanduú Babuloniro. Gimsé' li/aay buaak. Adoodá' inós aa tlehhaahhít tay tlehhe'.

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

YEREMIA 51:23

Kuúng un de'eemuuseérár tsuú/ nee bee/aango. Kuúng un doosluuseérár tsuú/ nee awer'ín tidá' tar doosli. Kuúng un ga/aawuuseérár tsuú/ nee geeraharuuseero.

YEREMIA 51:35

Múk Siyoni i ooi, ‹Hhituru'uuma sleémeero tidá' múk Babuloni naa atén i tleéhh nee hhaeerene ka gawaaín i ki/isi.› Múk Yerusalemu ii ooi, ‹Tseerduurén kudá' taa ku'uús ki bui gawaá múk Kaldayo.› »

YEREMIA 51:49

Babuloni aqo in hú' asma múk Israeli nguwa tsú/, as adoodá' Babuloni múk yaariír nguwa tsu/aa/iín baraá yaamuwo.»

YEREMIA 51:56

Kudá' ga hhaaiís aa Babulonírí hardát, miguuseerós kara tláy, ga/alduuín kaa giqaagáy. Asma Anuú AAKOÓ MUNGÚ a Munguú li/oó bu'uúm, tí ar ló', aníng li/aay u buú'.

WA/AA/I 3:64

Aá AAKOÓ MUNGÚ, inooín bueek ar harqoomoó gadiyér dabaaín.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 18:24

Baraá gixsarihe tseerér aaruuse kaa ár, nee ar múk hhohhó' oo Mungú, nee ar mukdá' sleémeero taa tsuú/ baraá yaamuwo.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»