YEREMIA 51:20 - Biblía Axweesantá Hhohho' ar Mungú 2004

²⁰ Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

YEREMIA 51:20 Iomraidhean Croise

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 13:5

Amór ni dahhiya' ka ló'wa saaw, iimír ku/uyaá doori ngin dahhiyá', AAKOÓ MUNGÚ ni hardah nee xooslaá xarasleemaawós, as yaamu sleémeero ngiwa qwaareesi.

ISAYA 37:26

Kuúng kaangwí ugwa axaskáhe adór aníng kangw'eé' ngura qoomeés iimír aange, iimír aange ador'eé' tí ana qaroó qoomeés tí hám laarí tleehharuumiit tí kuúng gixsadaá koo/i gawden kiwa hhaamís tari ufér tsa/eewasi.

ISAYA 45:1

AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

ISAYA 8:9

Kuungaá múk xoordu tundu giqáy, tunduri amoqwaarees. Iia qaasaak, kuungá' sleémeero awa ayeemaá sawen baraá yaamuwo Ti amohhe'ese' as tunduwa amoqwaareesi, ti amohhe'esé' as tunduwa amoqwaareesi.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 50:23

Axáy a adoomá, gixsarí aáng adór yuúnduú yaamu sleémeero, adór ira qeqtiín. Babuloni adór ira dír dae tlaaq tleehhít tla/ángw xoorduwo.

ESEKIELI 21:11

Kaa duúq nee kaa /awaakeés as kawa qaasi gawaá dabaá tsu/utusmo.

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

MIKA 4:12

Ala laatí xoorduuká', inslawoó AAKOÓ MUNGÚ ngu xuiaaká, tam gár i tleehhamór wa slai ngaa tsaahhi'iiká. AAKOÓ MUNGÚ inooín ngina adór angaáno wa haraki/ís, oo taa burumbuúr as kuwa slahhan.

MIKA 4:13

Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

NAHUMU 2:1

Heé nu suwawa'aám hanoos i hi'iit. Do'ók xuumeek, loohi xuumeek, siinootiím, ti ló'wa amohhe'es.

SEKARIA 10:4

Baraá tlahhoó Yudawo tlaa/ár iihhafiiri ni ti'ít, baraaine kiki'ír heéma ni ti'ít, baraawose ga/alér slaqwara ni ti'ít, baraawose waawituú yaariír ni ti'iit.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.