YEREMIA 51:12 - Biblía Axweesantá Hhohho' ar Mungú 2004

¹² Bendeérár slaqwara gáwtí tleesaak ar Babuloni kawa i haraatleera'. Xuuma /uuru ti doge'. Xuumuuse qaasaak, múk haramamahhamit amohhe'eesaak. Asma AAKOÓ MUNGÚ muruuwí tsaraawo gun tleehh, kudá' aa qoomeés gun boo/ees daanduú yaamuloouusér Babuloniro.

YEREMIA 51:12 Iomraidhean Croise

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 13:2

«Layarhúng tidár bendeéra laqaamaak, gawaá tloomár kwaankwarír wá ale, slaqwaruuse ateetaak ar afór ur, Ateetaak ar daba' as kahhó' niwa dahiiya' baraá gixsár múk urén!

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

YEREMIA 50:25

AAKOÓ MUNGÚ xosluuwós kudaá slaqwara gaa gweér, xosluuwós kudá' xaraaslá' ngaa tsee/ií gagaár. Asma Aako, MUNGÚ Aleesleemusmo, gadiyér i tleehhi i deér baraá yaamaá Kaldayoro.

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

YEREMIA 51:27

Bendeérár slaqwara gáwtií tleesaak daanduú yaamuwo, tarumbeéta ufaahhaak baraá tla/ángw xoorduwo, xoorodu ti amohhe'eesiye' slaqwaraaro. Waawuti'iima ateetaak tawa haraatlay, waawuti'iimár Ararati, nee Mini nee Ashkenasi, geeraharuusér slaqwara qaasaak, farsuú yaariír adór ingigi huwaare'.

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

Yoeli 3:2

aníng xoordu sleémeero in burumbuúr, ngiri huúw ay baraá xatstá Yehoshafati, ngiri baraadá' wa sakwasleemuút, asma tlehhmi'iidá' naa tlehhaahhitiyé' dír múk'eé' oo Israeli, kuduú aalir'eé'. Asma inooín muk'eé' nguna diyaya/iyé' baraá tla/ángw xoordu, nee yaamuueé' ngiri ka'amisiyé'.

NAHUMU 2:1

Heé nu suwawa'aám hanoos i hi'iit. Do'ók xuumeek, loohi xuumeek, siinootiím, ti ló'wa amohhe'es.

YOSHUA 8:14

Waawutmoó Ai adoorí ngiwa ár, inós nee mukós tindiri gaanslár ti'iít amór xatstá Araba as nee slaqwaruusér Israeli tiwa harasihhimiitiya' slaqwaraaro. Ala inós ga xuiika adór gixsarós kingira aluú wa haramaamahhaát.