YEREMIA 51:11 - Biblía Axweesantá Hhohho' ar Mungú 2004

¹¹ AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

YEREMIA 51:11 Iomraidhean Croise

1 WAAWITÁ 11:14

Naagáy AAKOÓ MUNGÚ Hadadi kuduú tlahhoó waawutmoó Edomu guri wakarusmoó Solomon tleéhh.

1 WAAWITÁ 11:23

Slám male alé Mungú Resoni garmoó Eliada guri wakarusmoó Solomon tleéhh. Resoni aáng nina dír aakoowós Hadadeseri wa /akuút, waawutmoó Soba.

1 QOM'I 5:26

Gawaá adoorihe, Munguú Israeli Pulu waawutmoó Ashuru kudá' umuuwós oo hatlá' ta bay Tiglat-pileseri guna dúk, múk Reubeni nee oo Gadi, nee tlaqtá tlahhoó Manase, ngiri ar tlayé' ay Hala nee Habori nee Hara ay yaaér Gosani, tam ay laarí ta amoodá' wa hoot.

2 QOM'I 36:22

Kurkú geera oo waawuti'iimár Koreshiwo waawutmoó yaamaá Persia as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, barwiito'o gari gooín sleeme, iwa kaahi,

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ISAYA 10:26

AAKOÓ MUNGÚ Aleesleemusmo qawaywós gun gáwtí tleés, adoodá' múk Midiani ngura muúx dír tlaa/ár Orebu wa ale, hhartós gan looloqoos gawaá daanduú tlawi. Inós ga gáwtí tlees ar adoodá' aa tleéhh dír múk Misri.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 21:5

Muruú /ayma kuna amohhe'eés, inqwar kuna hhaáf, hamí muu i /ayín nee i wahán. «Kuungaásingaá geeraharuúse! Tlawaaré', gaambu slikaak!»

ISAYA 41:25

Hee ngwa bihhaá /iikú wa duúk, inós ni hardah, inós ngwaa tsawaár bihhaá da/aáw wa ale, inós umuueé' gu oo', waawitá gun yaamií harakalaa/ adór baa/í adór tleeusmo tleeirós ngir lufu/aa/in.

ISAYA 45:1

AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

ISAYA 45:5

Aníng a AAKOÓ MUNGÚ, Munguú hatlá' i kaahh Munguú hatlá' i kaahh aqo har aníng kilooeé'. Aníng kuúng ugwa /uurií doóg, tam handá' aníng iga xu'kahe.

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

YEREMIA 25:25

Waawitá sleémeero oo Simri, nee oo Elamu nee Media.

YEREMIA 46:3

Gambuuhúng awa nakw nee awa urene amohhe'eesaak, geera i kumitaak baraá slaqwaraaro.

YEREMIA 46:4

Farasuhúng amohhe'eesaak nee itsa/amak! Umuú hee i dirós i sihhiiti nee kofiyadaá muqsla dahaasaak. Lawluuhúng duuqaak. Tlabaahúng kudaá muqsla dahaasaak!

YEREMIA 46:9

Kuungá' faras, geera i kumitaak, haraatlawé', gaardaá faras, masók miguuse i geerií kumít. Múk Kushi nee Putu kudá' gaambu ngaa oohiye', múk Ludi kudaá ga/aldu tlaqooro ngi baalá'.»

YEREMIA 50:25

AAKOÓ MUNGÚ xosluuwós kudaá slaqwara gaa gweér, xosluuwós kudá' xaraaslá' ngaa tsee/ií gagaár. Asma Aako, MUNGÚ Aleesleemusmo, gadiyér i tleehhi i deér baraá yaamaá Kaldayoro.

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.

YEREMIA 50:9

Asma ga/aaweek aníng xoororka ngi /ur/uúr amór Babuloni, dinku'uumár xoordaá yaariir awa /iikú dahhá', taa amohhe'eesiyé' Babuloni ngiwa hayoohiya'. Maheeri'ín a adór awa migusmoó slaqwarár baál, kudá' dab/oórár waawatlaaká.

YEREMIA 51:12

Bendeérár slaqwara gáwtí tleesaak ar Babuloni kawa i haraatleera'. Xuuma /uuru ti doge'. Xuumuuse qaasaak, múk haramamahhamit amohhe'eesaak. Asma AAKOÓ MUNGÚ muruuwí tsaraawo gun tleehh, kudá' aa qoomeés gun boo/ees daanduú yaamuloouusér Babuloniro.

YEREMIA 51:24

AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

YEREMIA 51:35

Múk Siyoni i ooi, ‹Hhituru'uuma sleémeero tidá' múk Babuloni naa atén i tleéhh nee hhaeerene ka gawaaín i ki/isi.› Múk Yerusalemu ii ooi, ‹Tseerduurén kudá' taa ku'uús ki bui gawaá múk Kaldayo.› »

YEREMIA 51:36

Gawaá adoorihe, AAKOÓ MUNGÚ i kaahi, «Ga/aawaak, aníng kuungá' nu aleekalaá/ daanduú kangwhunge nee li/aay nguwa buu' as kuungá'. Tlawtá Babuloni a /oomeés, nee kutlaywós u kahaás.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

Yoeli 3:10

Kureemiihúng paangadu tiwa tlehhe', tsati'iihúng tlaatlahhasaak as kiwa lawlu tlehha'. Tam kudá' daqaatlaákw i ooi, Aníng a migusmo.

Yoeli 3:9

«Kaangwí ilaharisaak tla/ángw xoorduwo; ‹Ti amohhe'ese' slaqwarár hhohhoe, múk miguuse ateetaak, slaqwaruuserhúng burumburaak, nee i geerií kumiitiye'.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

SEKARIA 14:12

Nee xoordu sleémeero kudá' naa slaqwarár aye' amór gixsár Yerusalemu AAKOÓ MUNGÚ gin muux ar tiqtír tlakw, slaqooín niri tsutsatsuiyá' sihhtanoórí ale, nee ilaaín niri tsutsatsuiyá' baraá xoxi'ii'ín i ale nee tsifreeri'ín niri tsutsatsuiyá' baraá afer'ín i ale.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.