YEREMIA 51:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ gaa tsaáhh adór dakuús kar koomaanaaká. Gusé' baraá Siyoni gadiyér AAKOÓ MUNGÚ, Munguúrén a alki/itaán.

YEREMIA 51:10 Iomraidhean Croise

WARA'AMI 118:17

Aníng a gwaa'aaká ala an slaáf, nee tlehhma'aá AAKOÓ MUNGÚ ngay alki/iít.

WARA'AMI 37:6

Inós ngi geehhoees adór kuúng tar gana', gan'amuuwók iri geehhooúy adór tsee/amuú qoomár /ametleemu.

WARA'AMI 64:9

Nee muu sleémeero tari da'ayuut, gadiyér Mungú kari alki/iit, nee tlehhmi'iiwós kiri aldakuut.

WARA'AMI 66:16

Qwalaasé', axaasé', kuungaásingá' Munguú ilaiwawa/á', aníng ngi alki/iít tidá' naa aníng i tleéhh.

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

ISAYA 24:14

Panaydá' aa meet iri tseeamín, iri daa' ar qwala/, tari tseeamín iimír /uwá wa alé as aleesleemuú AAKOÓ MUNGÚ.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 50:45

Gawaá adoorihe, adoodá' AAKOÓ MUNGÚ aa qoomeés daanduú múk Babuloniro iiárií qaasaak, nee adoodá' i tleehhamór wa slai dír yaamuloouusér Kaldayo. Tam deeláy'ín awa bee/aangw kun yaamúr duuruxún, nee kiri ar tláy, múk yaamuudá' hoót tari waa/oo/.