YEREMIA 51:1 - Biblía Axweesantá Hhohho' ar Mungú 2004

¹ AAKOÓ MUNGÚ i kaahi, «Ga/aaweek, aníng fur'a an dúk ar Babuloni ga hhitiim nee yaamuloouusér Kaldayoro.

YEREMIA 51:1 Iomraidhean Croise

2 WAAWITÁ 19:7

Qaytsiít, aníng waawutmo u dae tsaát, inós kun lamtá báy, iri waatl ayaawós, amoodár ayaawose kuri gaas ar paánga.› »

WARA'AMI 137:8

Kiíng Babuloni, aga naká/ huuamaawo, heé amohhoó' a kudá' i li/áy buú', as adoodá' atén tira slahh'eemís.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 14:14

Aníng an tsa/ám gawa, huunkáy nguri baá/, aníng tari slaqás nee Munguúdá' gáwtí dirií'.›

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

YEREMIA 49:36

Aníng fur'a ngi tleés gawaá Elamu ar badu tsiyhhaawo ngi daahh, aníng inooín in diyaá/ baraá hhapeemo sleémeero, tam xoorór múk Elamu kway diya/iiká iri káhh.

YEREMIA 50:21

AAKOÓ MUNGÚ i kaahi, «Tlawsé' haratlawé' amór yaamaá Merataimu, nee haratlawé' amór yaamuloouusér Pekodi, tsu/uuté', ló'wa hhaamiisaak. Umuú gár naa ooi tleehhaak.

YEREMIA 50:24

Kiíng Babuloni ina tsaaxweelír i qaás iri óh, ala gár taa tsáhh i káhh. Tina sláy tari óh asma tina tlampa'asaán nee anuú AAKOÓ MUNGÚ.

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

YEREMIA 50:33

AAKOÓ MUNGÚ Aleesleemusmo i kaahi, «Múk Israeli kwaa ló'wa baramaanuús, tam múk Yuda sleeme. Mukdaádá' inooín gaa loohatis gaa ló'wa slahh'eés nee geemawto kaa sií'.

YEREMIA 50:9

Asma ga/aaweek aníng xoororka ngi /ur/uúr amór Babuloni, dinku'uumár xoordaá yaariir awa /iikú dahhá', taa amohhe'eesiyé' Babuloni ngiwa hayoohiya'. Maheeri'ín a adór awa migusmoó slaqwarár baál, kudá' dab/oórár waawatlaaká.

YEREMIA 51:53

Tam Babuloni i tsa/aanda gawaá doori, tam koo/irós ngi tleereesa ay gawa, tam adoorihe múk ga hhaamiis u tleés. Anuú AAKOÓ MUNGÚ tí ngina oó'.»

YEREMIA 51:60

Yeremia amotlakweedá' sleémeero Babuloni ga slaw gana baraá kitaábií gooín, axweesanaydá' sleémeero taa aaín daanduú Babuloniro guri gooín.

ESEKIELI 19:12

Ala sabiíbuudá' kuna tuú/ ar buhhta, nee kuri kwaáhh yaamií alé, fur'ár da/aá daahh guri kahás, mamuuwós giri paahhamís. Haleemaawós kudá' /uuruú koomá' niri kahiyé', asla giri /ák.

HOSEA 13:15

Inós tam i diihhe'eesi ta hhaeewose, ala AAKOÓ MUNGÚ fur'a ngi da/aá wa kwaahh ar baraá xaanxoó daahh. Kutlaay sleémeero guri kahás, hhaleeri'ín sleémeero giri /oomés. Daqaari'iimar'ín sleémeero ar afhhamít gari ar darát.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»