YEREMIA 50:9 - Biblía Axweesantá Hhohho' ar Mungú 2004

⁹ Asma ga/aaweek aníng xoororka ngi /ur/uúr amór Babuloni, dinku'uumár xoordaá yaariir awa /iikú dahhá', taa amohhe'eesiyé' Babuloni ngiwa hayoohiya'. Maheeri'ín a adór awa migusmoó slaqwarár baál, kudá' dab/oórár waawatlaaká.

YEREMIA 50:9 Iomraidhean Croise

2 SAMUELI 1:22

«Ga/alér Yonatan kureeriwo aa baloó alií ki/iiká, paángár Saulo aa baloó tawoó ki/iká, kár ee, miguuse gan tsu/a/iín.

DAA'AANGW 3:8

Umuú heewo paángarós gaa óh, umuú heewo slaqwara ga xuu', umuuú heewo paángarós i baraá afeetloowós. Taa amohhe'eés nee wakusmo tiwa tlaampa'asiya' xweeraawo.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 41:25

Hee ngwa bihhaá /iikú wa duúk, inós ni hardah, inós ngwaa tsawaár bihhaá da/aáw wa ale, inós umuueé' gu oo', waawitá gun yaamií harakalaa/ adór baa/í adór tleeusmo tleeirós ngir lufu/aa/in.

YEREMIA 15:14

Aníng kuungá' nu lawaalér wakuuserhúng tleéhh baraá yaamaá kuungá' ta xua'aaká, asma buhhtaeé' naa daa/atuyé' adór gil'ór asla, tidá' baloó gwa'aaká daqisleém.

YEREMIA 25:14

Múk Babuloni tari lawaalér xoordaá hatlá', nee kiri sawaawuti'ín nee waawitá. In buú' ar har qoomoó tlehhmi'ii'ín kudá' naa tlehhiitiyé'.› »

YEREMIA 25:26

Waawitá sleémeero oo /iya kudá' sawén nee oo tsewene, oo wák alaá kuqá', nee waawuti'iima sleémeero baraá yaamuwo xooslomoowí ku wah. Nee alaá kuká' sleémeerowo waawutmoó Babuloni gun wah.

YEREMIA 50:14

Ti amohhe'ese' Babuloni kawa harweda', kuungásingá' sleémeero tlaqutuú baalá', tlaqutaak, miwa mahaangw meét. Asma AAKOÓ MUNGÚ ngwaa sadakuusiyé'.

YEREMIA 50:21

AAKOÓ MUNGÚ i kaahi, «Tlawsé' haratlawé' amór yaamaá Merataimu, nee haratlawé' amór yaamuloouusér Pekodi, tsu/uuté', ló'wa hhaamiisaak. Umuú gár naa ooi tleehhaak.

YEREMIA 50:26

Qwalaas, i haratlawaak bihhe sleémeerowo, kuuntáywós kisaak, inós burumburaak adór balaángwá ale, ka ló'wa hhaamisá', tam gár wák ma dirós i meetisaara'.

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!