YEREMIA 50:18 - Biblía Axweesantá Hhohho' ar Mungú 2004

¹⁸ Gawaá adoorihe, AAKOÓ MUNGÚ Aleesleemusmo, Munguú múk Israeli, i kaahi, «Aníng waawutmoó Babuloni un muúx nee yaamuuwose, adoodá' waawutmoó Ashuru ngura muúx.

YEREMIA 50:18 Iomraidhean Croise

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

NAHUMU 3:18

Aá waawutmo Ashúru, de'eemuuseerók aa gú', mukók kudá' ta ilaiwawa/i aa gufiís, mukók aa tsiyayaxaát gawaá tlom'i, tam heé gi burumbuuriím i kaahh.

NAHUMU 3:7

Nee kudá' kiíng i ará' in ilagogoowiyá', tari ooi, ‹Gixsár Ninewi aa hhiturút, heé ga sa tsuunqumiís a heemá? Heé ga gurkwa/ás dír ngway leelehhtuú aw.› »

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

DABE 32:41

Barnaxes paángar'eé' ar qwiirii/ aga aandé', nee dakw'eene sakwasleema aga tleéhh, aníng li/aay u buú' dír wakuuser'eé'. Mukdaádá' aníng i ahhiít u sakwasleemuút.