YEREMIA 50:15 - Biblía Axweesantá Hhohho' ar Mungú 2004

¹⁵ Tsee'é' bihhe sleémeerowo, daxta Babuloni aa ya/a/aán, maraywós kudá' uren naa huuhu'uné', koo/irós ka fee/. Asma AAKOÓ MUNGÚ li/aay gun buu' daanduú Babuloniro. Gimsé' li/aay buaak. Adoodá' inós aa tlehhaahhít tay tlehhe'.

YEREMIA 50:15 Iomraidhean Croise

1 QOM'I 29:24

Geeraharuuse sleémeero nee miguuseero nee daaqoó Daudi sleémeero al'axweesani ngiri ooiyé' dír waawutmo Solomon ar nguwa ilaiwawa/iya'.

2 QOM'I 30:8

Kuungá' ma da/eewe gawdeesara' adór baabi'iihúng wa ale, ti kiloohúng hanise' dír AAKOÓ MUNGÚ. Qwalaasé' amór do'ós kudá' inós aa hhohhoeés ay kureér, AAKOÓ MUNGÚ Munguúhúng sluufmisaak as munduwa i buúhh.

WARA'AMI 149:7

As li/aay kuwa bui dír xoordu, nee xoordaá hatlá' muxta ngi slaye'.

WARA'AMI 94:1

AAKOÓ MUNGÚ, Munguú li/oó bu'uúm, kuúngudá' li/oó bu'uúm ti laqaan.

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

ISAYA 63:4

Baalár ngiwa li/áy buu' aga ístí tsaát, nee kurkueé' oo ngiwa gweer naa hardáh

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

YEREMIA 50:14

Ti amohhe'ese' Babuloni kawa harweda', kuungásingá' sleémeero tlaqutuú baalá', tlaqutaak, miwa mahaangw meét. Asma AAKOÓ MUNGÚ ngwaa sadakuusiyé'.

YEREMIA 50:25

AAKOÓ MUNGÚ xosluuwós kudaá slaqwara gaa gweér, xosluuwós kudá' xaraaslá' ngaa tsee/ií gagaár. Asma Aako, MUNGÚ Aleesleemusmo, gadiyér i tleehhi i deér baraá yaamaá Kaldayoro.

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

YEREMIA 51:24

AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

YEREMIA 51:30

Slaqwaruusér Babuloni slaqwara gaa harslaaqát, naa meetiyé' baraá ku/er'ín tidá' gawden, /uureemooín naa faakiyé'. Inooín an adór /ameena, maray'ín kaa daá/ ar asla, muqslár afér maray'ín kaa giqáy.

YEREMIA 51:36

Gawaá adoorihe, AAKOÓ MUNGÚ i kaahi, «Ga/aawaak, aníng kuungá' nu aleekalaá/ daanduú kangwhunge nee li/aay nguwa buu' as kuungá'. Tlawtá Babuloni a /oomeés, nee kutlaywós u kahaás.

YEREMIA 51:44

Aníng munguúdá' ta bay Beli oo Babuloni u sakwasleemuút, nee gadaádá' aa guú/ aníng ngin kwarkwaár ngiri waa/. Xoordu i malé kumitiaaká daqaqángw amoorose, koo/ír Babuloni aa hú'.

YEREMIA 51:58

«Anuú AAKOÓ MUNGÚ Aleesleemusmo a kah, koo/idá' yangaariit ar Babuloni ka yaamií daahh kari hhapeérár alqoomees, nee afeerós tidá' urén kari daa/ ar asla. Muu ina tawo gadiyumaamiís, xoordu tina tawo gadiyédár faakiyé' ala alhhe'eesay'ín a asla.»

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

YEREMIA 51:64

‹Adoorí an adoodá' gixsár Babuloni iri /et nee iri baloó sihhitaká malé alé, asma amotlakweedá' AAKOÓ MUNGÚ i gawaawós i huwi.› » Alhhe'eesoó axweesantá Yeremia.

WA/AA/I 5:6

Múk Misri nee oo Ashuru una dabaá i hanisaán as muruú /aymár bu'uút kuwa slawaan.

ESEKIELI 17:18

Asma lo'oodá' gana waaqaá', nee al'axweesantadá' gana sií', tidá' inósuú kilá' aa oó'. Nee muruú adór kwí sleémeero guri tleéhh, ar ló' waawutmoowí i baloó kotsqotiiká.

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

NAHUMU 1:2

AAKOÓ MUNGÚ a Munguú da/usmo nee oo li/usmo, ga slaiiká munguú hatlá' kuwa sluufmiisi, AAKOÓ MUNGÚ i li/oó bu'ún, nee i xaaraasl kángw kilá' wa alé, AAKOÓ MUNGÚ li/aay gu buu' gawaá daanduú wakuseerós nee xarasleemawós gin amohhe'eemaamiis as wakuuseerós.

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Luka 21:22

As deeloorí tawa deelór li/aay, as tidá' taa gooín sleémeero iwa bo/.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

Rumi 3:5

Ala bar tlakweemaarén gan'amuú Mungú ngun geehhooeemisiyá', atén gár ta ooaan a milá? An ooána Mungú gár ganaa'aaká gaa tleéhh, as sakwasleemarós ngiwa daandeemooréní huúw? (Gaarí ana axweés ar adoodá' muu ir axweemaamisi.)

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

DABE 32:41

Barnaxes paángar'eé' ar qwiirii/ aga aandé', nee dakw'eene sakwasleema aga tleéhh, aníng li/aay u buú' dír wakuuser'eé'. Mukdaádá' aníng i ahhiít u sakwasleemuút.

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

YOSHUA 6:20

Naagáy muu iri tseé', tarumbeetadu kiwa ufaáhh. Muu afór tarumbeetadu kawa axaás, tari ak tseé' ar afór ur, nee koo/i iri huhu'uún, muu iri dáh baraá gixsa umuú heewo ar didií sihhiít, inooín gixsa ngiri hayoohiyé'.

YOSHUA 6:5

Qoomár kaahamuusér Mungú tarumbeéta binga ufáhh ar afór ur, kuungá' sleémeero bar aga axasé', ta tseá' ar afór ur, daqaní koo/ír Yeriko iqo hú', umuúqo heewo didií dirii'i i geerií hi'iiti, gixsa ngi i haratlay.»

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

1 SAMUELI 15:33

Ala Samueli iri oó', «Adoodá' paángarók na/aá /ameena ngira hhaamís, adoorí an adór panmoó aayoorók ir meetiiká tla/ángw /ameenaaro.» Naagáy Samueli Agagi guri sikín geeraá AAKOÓ MUNGÚ wa alé baraá Gilgali.