YEREMIA 50:14 - Biblía Axweesantá Hhohho' ar Mungú 2004

¹⁴ Ti amohhe'ese' Babuloni kawa harweda', kuungásingá' sleémeero tlaqutuú baalá', tlaqutaak, miwa mahaangw meét. Asma AAKOÓ MUNGÚ ngwaa sadakuusiyé'.

YEREMIA 50:14 Iomraidhean Croise

2 SAMUELI 10:9

Yoabu ngiwa ár adór slaqwara ila' ngira da/atemís gawaawoósií ale, geera nee aluuwo, miguuse ar slaqwarár ngi baal gina tsawaár baraá mukduú slaqwara oo Israeliro, giri geera kawís, tari haraaganaaiyé' nee múk Aramu.

WARA'AMI 51:4

Án kuúng una tlakweemáy tleéhh, kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

ISAYA 13:4

Tseeór gawaá tlooma iiárií qaasaak, a adór afór boo/oó yaariír oo muu. Tseeór waawuti'iima iiárií qaasaak, nee ar xoordaá naa dinkwaárí buruumburiitiye', AAKOÓ MUNGÚ Aleesleemusmo i slaqwaruuseerós tsee/aarín as iwa slaqwarár eer.

ISAYA 5:28

Maheeri'ín ki afe ngwatsayen, ga/alduuín ngaa gawdeesiyé'. Fuqeenaá farsuuín ki gawden adór tlaa/e, /angegeeamaá gaarduuín adór ir tii'ina' a adór bambaao.

YEREMIA 46:9

Kuungá' faras, geera i kumitaak, haraatlawé', gaardaá faras, masók miguuse i geerií kumít. Múk Kushi nee Putu kudá' gaambu ngaa oohiye', múk Ludi kudaá ga/aldu tlaqooro ngi baalá'.»

YEREMIA 49:14

Kángw amór AAKOÓ MUNGÚ daáhh ugwa axaás, ya/abusmo kwaa ya/aáw amór xoordu iwa kaahi, «Dinkwárí burumburité', haraatlawé' amór Moabu, slaqwé' amoorós.

YEREMIA 49:35

AAKOÓ MUNGÚ Aleesleemusmo i kaahi, «Aníng ga/alér múk Elamu a geeqáw tidá' /uuruuín gu gáwtí koom.

YEREMIA 50:11

Kuungásingá' aalir'eé' hayoohimá', tam qwalaala/aa'a tam bara/a'a, tam /an/anusa'a adór bukár baraá gitso, tam aahhamiinda'a adór farsuú yaqaambe,

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

YEREMIA 50:9

Asma ga/aaweek aníng xoororka ngi /ur/uúr amór Babuloni, dinku'uumár xoordaá yaariir awa /iikú dahhá', taa amohhe'eesiyé' Babuloni ngiwa hayoohiya'. Maheeri'ín a adór awa migusmoó slaqwarár baál, kudá' dab/oórár waawatlaaká.

YEREMIA 51:2

Aníng múk haritleemis un ya/aáw ay yaamaá Babuloni, nee ngiri haritleesiyá'. Inooín umuú gaaro ngiri faakiyá' baraá yaamuwo barka i haratláy badu sleémeero qoomár slahh'amuuwo.

YEREMIA 51:27

Bendeérár slaqwara gáwtií tleesaak daanduú yaamuwo, tarumbeéta ufaahhaak baraá tla/ángw xoorduwo, xoorodu ti amohhe'eesiye' slaqwaraaro. Waawuti'iima ateetaak tawa haraatlay, waawuti'iimár Ararati, nee Mini nee Ashkenasi, geeraharuusér slaqwara qaasaak, farsuú yaariír adór ingigi huwaare'.

YEREMIA 51:3

Múk maheeraá tlaquút oo Babuloni pa/ángw tsaxaara mukuwa sláy, tam pa/ángw tlabaá slaqwara ngiwa dahaasiya' munguwa slayé'. Masoombarós ma gurtlawaara', slaqwaruuserós hhaamisaak.

HABAKUKI 2:17

Asma tlakweemaadá' taa tlehhahhít dír múk Lebanoni kuúng u i ki/iyá', nee makaydá' taa tsu/aa/iín kuúng u de'eérár gaasiyá'. Tí sleémeero kuúng u sleér asma mukdá' taa tsú/ nee /aytaadá' taa tlehhahhít baraá yaamuuká' nee dír yaamuloouusér baraá gixsaduín wa hoot.

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.