YEREMIA 50:13 - Biblía Axweesantá Hhohho' ar Mungú 2004

¹³ As xarasleemaá AAKOÓ MUNGUHE yaamuuká' yaamuloouusér gi hoot i káhh, ala kin ló'wa deewa'atis, umuúqo heé aa baraá Babulonír ar waaraahhi in daanda feehhiit, gari niqín asma inkahhi'iidá'.

YEREMIA 50:13 Iomraidhean Croise

YOBU 27:23

Inós bir ti'ii'ín fur'ár /uuruú koom gun i xuurú', nguri kwarkwát dirós tidae.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 19:8

Aníng gixsarí a dír de'e tlaaq tleéhh, nee gár ta waaqaseesen. Umuú heé waaraahha adoodá' birnga ár, iri da'ayuut nee gari waaqasén as slahh'amuudá' gaa slay.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 49:17

«Múk yaamaá Edomu i dír dae tlaqa tleehhitiyá', nee umuú hee oo aa bihhiidár oohi iri daanda feehhiit, gari niqimis, asma amotlakweedá' taa sláy.

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 51:26

Tam tlaa/anoó ta dirógí leehhi oo ta qaasi dír qul/ír do' i kaahh, tlaa/anoó ta qaasi baraá ihhafiirír do' i kaahh, ala an xaanxay tleehhít daqisleém. Anuú AAKOÓ MUNGÚ tí ngina oó'.

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 51:37

Babuloni a taangu tleéhh, tari mar'ír intsaawe i hot, tari dír dae tlaaq, tari dír ta waaqaseesen, nee heé baraadá' wa hoót iri kaahh.

YEREMIA 51:62

Naagáy aluuwo ka alhhe'és ar axweesantí, ‹AAKOÓ MUNGÚ, kuúng daanduú yaamuukae ana ó', i hhaamís nee gár baraaká' i meet i káhh, muu laqaá makaay, yaamuuká' nin xaanxay tleehhitiyá' ay alhhe'eesay wasle.›

ESEKIELI 27:36

Múk halaanu'uumár tlehhiít oo xoordaá hatlá' iri niqis. Alhhe'eesoó muu kuwa dae tlaq ugwa eér, nee a malé ki/iká ay alhhe'eesay wasle.› »

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

DABE 29:22

«Qartadá' aluúwaá hardah, ar xwaylarhúng nee ar hoomár amór saáwá hardah baraá ayaahúng, ngi ariyá' adór AAKOÓ MUNGÚ yaamuuká' ngira amotlakwérí huúw, nee slahh'amaayeero,