YEREMIA 50:10 - Biblía Axweesantá Hhohho' ar Mungú 2004

¹⁰ Yaamaá múk Kaldayo kin hayoh, mukdá' sleémeero gaa hayoh tari hhe'ees. Anuú AAKOÓ MUNGÚ tí ngina oó'.»

YEREMIA 50:10 Iomraidhean Croise

ISAYA 33:23

Kuungaá Siyoni, him'erhúng i sololo'ót, dabér do' tseegaro ga alesleeraaká tam ngiwa bihheérí ot, an qoomár muruudá' tinda haasaáng wa hayóh kuwa qasmiisi, tam toqooráy sleeme muruuda' gun sláy.

ISAYA 33:4

Mukók kudá' taa ohín kuna burumbuúr adór naanaga, muu kun i /akumiit adór tsaxwi'i.

ISAYA 45:3

Aníng daqaari'iimadá' taa luú/ ngi haniís tidá' dír naaqoórií dirii'. Kuúng daqaní a tsáhh adór aníng tar AAKOÓ MUNGÚ. Munguú múk Israeli, kudá' kuúng ugwa ateet ar umuuwók.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 50:26

Qwalaas, i haratlawaak bihhe sleémeerowo, kuuntáywós kisaak, inós burumburaak adór balaángwá ale, ka ló'wa hhaamisá', tam gár wák ma dirós i meetisaara'.

YEREMIA 50:37

Qatlo i gawaá farsuuín nee i gawaá gaarduuín. Qatlo i gawaá slaqwaruuser'ín tidá' taa tlaáxw as tawa da'ayuút adór /ameena. Qatlo i gawaá daqaari'iimar'ín, asma umuú gaaro kan hayoh.

YEREMIA 51:24

AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

YEREMIA 51:35

Múk Siyoni i ooi, ‹Hhituru'uuma sleémeero tidá' múk Babuloni naa atén i tleéhh nee hhaeerene ka gawaaín i ki/isi.› Múk Yerusalemu ii ooi, ‹Tseerduurén kudá' taa ku'uús ki bui gawaá múk Kaldayo.› »

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

Geehhoeemaá 17:16

Nee xareemidá' mibaangw awa taa aán, nee makiito'oodá', kuká' /ameenidár tsaatuso'o ngi aahhiyá'. Inooín /ameenidá' ka liitlakuso'o tleehh nee kari /aankweetsiis, fu'unaywós kiri /aay, nee kari xaawúy ar asla.