YEREMIA 50:1 - Biblía Axweesantá Hhohho' ar Mungú 2004

¹ Kaangwí an axweesantá AAKOÓ MUNGÚ tidá' aarusmo Yeremia aa axaás daanduú yaamaá Babuloniro nee yaamaá Kaldayo,

YEREMIA 50:1 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

IIMU/UUNGW 11:31

Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

IIMU/UUNGW 11:9

Gawaá adoorihe umuú gixsadá' kuri báy Babuloni, asma didá' an dír Mungú tsifrír yaamu sleémeero ngiwa qasmiís. Nee iimír didae AAKOÓ MUNGÚ muu guri diyayaá/ gawaá daanduú yaamu sleémeero.

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

YOBU 1:17

Qoomár kwí kaangwí nguwa hhe'eesiiká ooaro, oo hatlá' nina hardáh, iri oó', «Múk Kaldayo tina amohhe'eés ar daqooray tám, angamiadu ngiri hayoohiyé', sagadiyuuse ngiri tsu/iyé' ar paánga, aníng kilooeé' nina /úw, as kaangwí nguwa ooár aw.»

ISAYA 14:4

baldá' kuungá' waawutmoó Babuloni kuri kooyiindá' ar girayduuwí, «Xáy baramaanusámo, adór tura xasltís, kuúngudá' xaraásl, adór tura baraá dewa'ameérí xasltís.

ISAYA 23:13

Ga/aaweek mukdá' makaá sla/a ngaa geemay niwa haratlaya' amór gixsár Tiro a múk Kaldayo, slám a múk Ashururoká. Inooín an múk gixsa gaa harweer ar /aampu, as kawa i haratlay, maraywós kudaá waawitá kiri taangúy.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

DANIELI 1:1

Kurkú tam iimír Yehoyakimu waawutmoó Yuda waawuti'iima ngiwa iimu/ún, Nebukadnesa waawutmoó Babuloni, gixsár Yerusalemu, gari haraweél.

Tlehhema'aá ya/Abuuse 7:4

Abrahamu yaamaá Kaldayo giri geexáy, iri hotaá áy baraá yaamaá Haráni. Alaá gwa'arár baabuúwose Mungú guri loohatís ay baraá yaamuuká' kuungá' hamí ta hota'.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

Geehhoeemaá 14:8

Aluuwo malaykamoó hatlá', oo tsár, aluudá' ngiri haár, iri oó', «Gixsadá' ur ar Babuloni aa hú'. Gixsarí an tidá' xoordu sleémeero gaa oonitimis ar tsaatu'uumarós, tidá' xaraasl, adór difaáír aa hamat.»