YEREMIA 5:6 - Biblía Axweesantá Hhohho' ar Mungú 2004

⁶ Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 5:6 Iomraidhean Croise

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

ESRA 10:10

Naagáy, kaahamusmo Esra iri sihhiít, giri báy, «Aga dakusé', /ameenár xoordaá hatlá' kawa duxuté', gawaá adoorihe dakuúsár Israeli aga dogé'.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

YOBU 10:16

Sakw'eé' bura gáwtí tleés kuúng aqo adór diraangw, aníng in iimu/uún slaktuuwo, aníng iri slahh'eemís waa/oo/amorók ngiri laqaán.

WARA'AMI 104:20

Kuúng giwti an tléhh, xweera niri hardihiyá', makaay sleémeero awa sla/a nay ti'iitiyá'.

WARA'AMI 80:13

Baynaá sla/a nguri hhitiné', nee makaá sla/a nguna tlu'uné'.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 59:12

Asma tlakweemaarén dír geeraawoge naa ló'wa tlahhiyé', atén tlakweemaarén tin lamabu'uná', atén nee tlakweemaarén tin alkoomakoomaán, nee tlakweemaarén iga tsaahhaán.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

YEREMIA 25:38

AAKOÓ MUNGÚ mukós gwa tawo geexáy, adór diraangw mar'irós ngir tawo gixaaxay. Yaamuuín naa deewaaiyé' asma slaqwarár mukdá' gi baramaanuús, nee as buhhtaá xaraaslá' awa AAKOÓ MUNGÚ.»

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

YEREMIA 30:15

Ahaá baré a /aa/amiindá' as inkahhi'iihúng, inkahhi'iihúng i baloó huungu/iiaaká. Aníng kuungá' nuna adoorí /iís, asma dakuúsarhúng ka ló'wa ur. Tlakweemaahúng ki ló'wa yaariir.

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

YEREMIA 8:7

Tam halé/ sleeme qoomár loohaay ga xuu', hhooka, nee paréq nee diingoro qoomár ki/ima ngi dakumiisiaaká. Ala muk'eé' kwí gár i xui i káhh daanduú dabér AAKOÓ MUNGUHE.

WA/AA/I 1:5

Gixaarós kan baliit nee wakuuseerós, wakuuseerós aa slawiín, asma AAKOÓ MUNGÚ inós gana slahh'eemiís as tlakweemaawós kudá' yaariir. Na/iiwós wakuuse gira tleér baraá loohaay.

ESEKIELI 16:25

Dír umuúqo iimu/úngw loohír ure wa/aamér munguaá hatlá' kiwa ilahhooár wa hanmiisi ana tléhh, hhohhoaarirók kari ar fuqús dír umuú heé waaraahha, tari búhh fuqto.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 23:19

Tam adoorihe ina ak búhh fuqto adoodár kilá' tawa /amaatliito'o ira fuqús baraá yaamaá Misrír wa alé.

DANIELI 7:4

Makiito'ór geera a slaqmís nee diraangw, slám i hhaampa'aá koón adór kuqaá gwareesi. Qoomár ngiwa adoorí wa ga/aw, hhampi'iiwós kina tu/ún, inós kari gáwtí tleés iri sihhít ar ya'aá tsár adór heéwár aleeró. Kari fuqurángw heéwí haniís.

DANIELI 7:6

«Alaá tihe naxés makiito'ór hatlá' nina malé ti'ít, ar adór du'uma oo hhaampa'aá tsiyáhh koóm gawaá daanduuwose. Inós sage ngi koon tsiyáhh, nee inós kari baalírí haniís.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

HABAKUKI 1:8

«Farsuín ku isláhh ta dueemiwo, i xaraasliyá' ta tawerú qwariita, nee slaqwaruusér faras gwa i tsa/aan amór i dahhiya' ka saaw, ki islahh adór gwareesír aa gaanslár tleer amór gár /ayma.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

FAARO 32:14

Hamí daxta kuungaá qartá tlakuuse, kitángw baabi'iihúng una eeré', as buhhtaá AAKOÓ MUNGÚ kiwa doga' gawaá daanduú múk Israeli.

Geehhoeemaá 13:2

Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.