YEREMIA 5:4 - Biblía Axweesantá Hhohho' ar Mungú 2004

⁴ Aluuwo án niri oó', «Mukwí an narkuutér kilá', i fuqurángw kon'aaká. Inooín gár Mungú i slai ngi xuiaaká, dabér AAKOÓ MUNGÚ ngi xuiaaká.

YEREMIA 5:4 Iomraidhean Croise

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 29:12

Nee kitaábuudá' burka huúw dír heé soomár xuaaká kuri bay, «Gím kitaábuuwí soomuusang.» Inós in ooi, «Aníng soóma a xuaaká.»

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 7:8

«Ga/aawaak, kuungá' axweesanoó lama una harahhifé'.

YEREMIA 8:7

Tam halé/ sleeme qoomár loohaay ga xuu', hhooka, nee paréq nee diingoro qoomár ki/ima ngi dakumiisiaaká. Ala muk'eé' kwí gár i xui i káhh daanduú dabér AAKOÓ MUNGUHE.

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.