YEREMIA 5:29 - Biblía Axweesantá Hhohho' ar Mungú 2004

²⁹ Xáy, inqo máwa slahhto as muruuwí sleémeero naa tleehhi'i? Li/aay bu'uto uqo tsuwa máwa dír xoorór adór tihe? Anuú AAKOÓ MUNGÚ tí ngina oó'.

YEREMIA 5:29 Iomraidhean Croise

ISAYA 57:6

Tlaa/aá natsatsaa'á' ina tsawdité' baraá xatsoó wa ale. Tlaa/eeká tari muruú slahhaá' baraá lohduuhunge. Ilahhooár wahaangw una tsipipi'iimisé' nee oo balaango. Xáy muruuwí aníng iqo sla'atísi?

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

YEREMIA 9:9

AAKOÓ MUNGÚ i kaahi, «Xáy, mukwí uqo sakwasleemutakáhe as muruuwí, xáy, li/oó muruuwí uqo buaakáhe dír xoorór adór tihe?

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.