YEREMIA 5:24 - Biblía Axweesantá Hhohho' ar Mungú 2004

²⁴ Slám i baraá muner'ín i kaahiaaká, AAKOÓ MUNGÚ, Munguúrén un ilaiwa/aán, kudá' tluwoó hanmiís ar qoomaadá' hariim, tluwoó saxi, nee oo buhaareewo ngu hanmiis, nee umuúqo kurko bu'úngw hhó' ngun hanmiis ar qoomaadá' iwa harin.

YEREMIA 5:24 Iomraidhean Croise

IIMU/UUNGW 8:22

Qooma sleémeero ar yaamu iwa kumiitiya', qoomár dahaasiingw nee bu'uungw, qoomár tsaaqwa nee tsee/amá, qoomár age nee buhaare, tam tlaatla/aangw nee xweera i baloó lakiitiaaká.»

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

YOBU 29:23

Aníng tina adór tluwáy wá daamaarán. Nee afe ngin awaatlárí mayá' adór múk buhaaraá daamaaraám.

YOBU 38:37

Heé sagalooaro huunkáy gu faár a heemá? Nee heé dahheeroó gawaá doori eesaro gu aleesláw a heemá?

YOBU 5:10

Inós an kudá' tluwoó huwahuúw baraá yaamu. Nee an kudá' qamu gi ma'áy wa/amiís.

WARA'AMI 147:8

Doori gin tuntukaakín ar huunkáy, yaamu gin tluuwáy i huuw, gawaá dindirmawo gitso gan titi'imiis.

WARA'AMI 65:9

Kuúng yaamu in amohhe'eemís ar tluwaay iwa tluwi, yaamu iga hhapér hhó' i qás nee umuú gaaro iri harmá/. Yaaér Mungú aa háts ma'aywo. Mungú, kuúng muu ugwa balángwí hanís, asma kuúng an kudá' umuú gaaro gaa amohhe'ees.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

YEREMIA 10:13

Qoomár inós birna ilawaáts ma'aá gawaá doori in xuuru'utiyá'. Inós tlaangú gun duxún baraá ku/iyá yaamú wa alé. Inós mankari gan war'eemiis qoomár tluwaywo. Nee fur'a ni ti'imít baraá kuuntaywós wa aleeró.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

SEKARIA 10:1

AAKOÓ MUNGÚ firimaak tluwoó buhareewo, AAKOÓ MUNGÚ an kudá' tluwoó kwarara/a ngu haahuúw, inós an kudá' baafoó tluwaay gu múk i hanmaamiís nee balángw baraá qamu gu hamareés as muu sleémeero.

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

DABE 28:12

AAKOÓ MUNGÚ qaasirós tidá' hho' aa qaás gawaá doori ngi dirógií gweer, tluwaay ngun haniis qoomaadá' hariima, nee gadiyeérók gari tsuuq. Xoordaá yaariir kiri kirkitimís, ala kuúng a kirkimér eeraaká.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.

Geehhoeemaá 11:6

Lamabu'uuseerí i hara'ayár koón ar doori ngiwa tsek, as tluwaay miwa tluúw qoomaadár aaru'uumar'ine. Nee slám i hara'ayár koná' ar ma'aay kiwa tseere tleehhi nee yaamu ngiwa muxiya' ar umuúqo muxtaaro ar qoomaadá' inooín ta slai.