YEREMIA 5:22 - Biblía Axweesantá Hhohho' ar Mungú 2004

²² Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

YEREMIA 5:22 Iomraidhean Croise

IIMU/UUNGW 1:9

Mungú iri oó', «Ma'aá dooriwo baraay i burumburiitiye' dír wák as yaamaá kaahaar iwa geehhouya'.» Adoodá' iri tleehharút.

1 WAAWITÁ 13:28

Aakoodá' iri tláy, tuuaadár heé Mungú gari baraá loohírí áy, diraangw nee daqwaywós i bihhaawós wa sihhimiitiya'. Diraangw tuuaadá' gaa /ayiiká tam daqwaydá' gwaa oohiká.

YOBU 26:10

Tlawi gana súp adór gaangeei, didár digimuú giwti nee gwa/aateema.

YOBU 37:24

As adoorí muu sleémeero inós gun da'ayuumiit. Inós mukdá' daara/aám ar sagalooár qo kaahh gu hhasliitiiká.»

YOBU 38:8

«Heé tlawi ga digmuwós i qaas a heemá qoomár birna baraá iloowós wá /ur/urít.

WARA'AMI 104:9

Aluuwo ma'aydá' kiri digimí tléhh as mindiwa malé ki/iyé' yaamu mingiwa tuuntukiyé'.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 33:7

Ma'aay sleémeero gina dír wák i burumbuúr, iloo giri tleéhh awa ma'aay ni meetiya'.

WARA'AMI 46:3

tam gwaanduú ma'aay bir xuuruu', laqaá tam tlom'i binda diingitiyé' as tlawi iwa /eeragwa'.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

AXWEESANOÓ SAGALOOA 8:29

qoomár tlawi ngiwa digmuuwós i qaás, as ma'aá tlawi hara'ayaarós mingiwa si'iyé', qoomár iihhafirír yaamu ngiwa qaás,

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 64:2

Adoodá' asla xwaansláy ngur /aa/ak, nee adór asla ma'aay ngir dahhamaamis, as umuuwók kuwa tsaahhi nee wakuuseerók nee xoodu ni daaraxatiye' kuúng bura ariyé'.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 31:35

Adoorí an adoodá' AAKOÓ MUNGÚ i kaahi. «Anuú AAKOÓ MUNGÚ Aleesleemusmo, aníng an kudá' gaa qoomees tsee/amá iwa gwa/aati tlaatla/ango, xweeraawo slahhaangw nee tsatse/ iwa gwa/aatiya', kudá' tlawi gaa gwaanduú ma'áy tleehh.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

AMOS 4:12

«Gawaá adoorihe, aá múk Israeli kuungá' nu muúx. As adoorí ni dirhúngí tleehha, gimsé' ti amohhe'ese' sakwasleemar'eé' tihe.»

AMOS 9:6

AAKOÓ MUNGÚ dír hotaawós gaa tleéhh gawaá doori, yaamu giri harweér ar doori. Inós an kudá' ma'aá baraá tlawi gi ateét giri ku'uus baraá yaamaá kaahará', inós umuuwós ku bay AAKOÓ MUNGÚ.

YONA 1:16

Ala mukdaádá' AAKOÓ MUNGÚ kuri ló'wa da'ayuút, ilahhooár muruú ta tsu/i kari haniís. Nee kway al'axweesantí tseék.

NAHUMU 1:4

Inós tlawi gan i gahhaat gari kahaas, yau sleémeero giri kahaas, Bashani nee Karmeliro niri /ootsiyá', tam /ayór Lebanoni in /óts.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Marko 4:39

Ina tláy, fur'a gari i gahhaát, tlawi gari báy, «Xasliít, amohhooúw.» Hamtidár kilae fur'a iri xaslít, tlawi iri ló'wa amohhoouúr.

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

DABE 28:58

«Barnaxes kuúng aga magahhká dabeerí taa baraá kitaábuuwí gooín kawa boo/es, nee barnaxes aga iialooeská, nee umuudá' ló'wa dae tlaáq, xiríf oo AAKOÓ MUNGÚ, Munguúwók bur da'ayumitká,

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»