YEREMIA 5:2 - Biblía Axweesantá Hhohho' ar Mungú 2004

² Inooín tam lo'o ngi /ayia' iwa kaahiya', «Adoodá' AAKOÓ MUNGÚ ir hotaatin.» Tam adoorihe inooín a lo'o ngin /ayiyá' ar lama.

YEREMIA 5:2 Iomraidhean Croise

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

YEREMIA 9:2

Masók dír hotaaeé' baraá xaanxaywo i deer tidá' aauuse i qaqatatiin. As muk'eé' nguwa geexaw nari diya/aát, asma inooín sleémeero an fuquuse, nee múk nee /aytuuse dinku'uumisá'.»

HOSEA 10:4

Gaa a boqoondaá tawo kin axwees. Al'axweesantá lama kan oín. Gawaá adoorihe sakwasleema a adór xa'anoó tsu/uút, oo baraá hha'aá qaymo.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

TLAHHOÓ LAÁWI 19:12

Lo'o ma tawo /ayaar ar umuueé', tam umuú Munguúhúng kuri /oslisliindá'. Aníng an AAKOÓ MUNGÚ.

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.