YEREMIA 5:17 - Biblía Axweesantá Hhohho' ar Mungú 2004

¹⁷ Inooín balangwhúng nee muruú /aymarhúng kun /aay. Inooín na/iihúng awa dasu nee awa daaqaywo ngi tsu/iyá'. Inooín daqooroó hikwaahúng nee bee/angwhúng ngun /ayiyá'. Inooín sabiíbuhúng nee seituúnirhunge ngin /ayiyá' gixsaduhúng kudá' koo/i gawden kuungá' taa harahhifé', inooín ngin hhaamiisiyá' ar xooslár slaqwara.›

YEREMIA 5:17 Iomraidhean Croise

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ISAYA 62:9

Ala kuungaádá' balaangw ugwa bue', un /agá' anuú AAKOÓ MUNGÚ iri xirfayeemisá'. Kuungaádá' mamaá sabiíbu iga bue', an baraá matla/ángw dooeé' kudá' hhoohhoó' wa wahaandá'.»

ISAYA 65:22

Inooín maraay ngi tleehhiaaká as múk hatlá' ngiwa i hotaá ay, laqaá balaangw ngu dahasiaaká múk hatlá' guri /aay. Asma muk'eé' kudá' naa tsawaár, kureeraá yaariir kin ló'wa hoot, adór kureeraá xaai i hotatina'. Muk'eé' oo naa tsawaár gadiyér dabaaín ngin saqwalaala/iyá'.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 25:37

Daqtidá' amohhoo' kaa hhitín, asma buhhtaadá' xaraaslá' awa AAKOÓ MUNGÚ.

YEREMIA 4:26

Aníng ana qaytsiít, naxés yaamaá hhape hho' nina adór xaanxay tleehhitiyé' nee gixsadu sleémeerowo naa tangwaá tawo tleehhitiyé' asma buhhtadaá xaraaslá' awa AAKOÓ MUNGÚ.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 5:18

«Ala tam adoorihe baraá deeloorí sleémeero aníng kuungá' nu ak hhaamisaaká. Anuú AAKOÓ MUNGÚ tí ngina oó'.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

YEREMIA 8:13

Qoomár aníng muk'eé' nguwa burumburtá wa slaa', adór heé sabiíbuuwós burumburiím inooín an adór sabiíbuú mamaá koomaaká, inooín a adór /aantsír mamaá koomaaká tam loo/oorós ina /óts. Tam muruudá' sleémeero naa haniís ina ilaá wa qwaár. Anuú AAKOÓ MUNGÚ tí ngina oó'.

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

WA/AA/I 2:12

Amuuín ngina i /aa/aminé', iwa kaahiya', «Muruú /ayma nee difaáiro gaálaay?» Inooín nina baraá lohdaá gixsárí /araarané', adór múk taa tlaaqán, inooín nina gawaá dabaá amuuíní qatliyé'.

WA/AA/I 2:2

Aako dír hotaá múk Yakobo gana hhaamiís sleémeero ar gurtleemu wasle. Koo/idá' gawit ar múk Yuda gana yaamií daáhh ar buhhtaawós. Mukdá' urén nee waawuti'iimar'ine gina yaamií daáhh ar murekesaay.

ESEKIELI 36:4

Gawaá adoorihe, kuungaá tlom'aá múk Israeli, axweesante'eé' iiárií qaasaak, anuú Aakoó MUNGÚ. Kuungá' tlóm'i nee gongoáma' nee kutloó ma'aay, nee tlapu, nee xatso, nee gixsadudaá sluhhaay, kuungádá' taa haasaáng wa huúw, nee tunda waaqaá' nee xoordudá' sleémeero naa harweeriye'.›

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

Yoeli 2:3

Adoodár asla ir /ayayiin, an adór ingigtí umuú gaaro ngir hhitiin. Amór aluuine kwaáo' yaamu asla gina /ák. Qoomár iwa hu'uká yaamu a adór Edeéni, alaá iwa hú', yaamu a adór xaanxaay. Gár /uw dir'ine i káhh.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

SEFANIA 3:6

AAKOÓ MUNGÚ i kaahi, «Xoordu iga amór saáw i kwaáhh. Koo/ir'ín tidá' gawit tira baqiyé' aa hú'. Lohduuín kudá' uren iga hhitiím, tam heé gir ohiím i kaahh. Gixsaduuín nari tawó deewaaiyé', hee i kaahh baraadae, tam múk baraadá' hoót i kaahh sleeme.

MALAKI 1:4

Barnaxes múk Edomu, kuduú xwaylár Esau, i kaahi, «Gixsaduurén kaa hhitín, ala didá' taa feé/ kay tleehhaán.» Ala AAKOÓ MUNGÚ Aleesleemusmo i kaahi, «Inooín ngi mak tleehhiyá', ala aníng maray'ín kudá' i feé/. Nee inooín kiri adoorír ateet tawa kaahi, ‹Yaamaá múk iranguuse,› nee inooín kiri bay, ‹Mukdá' AAKOÓ MUNGÚ i buhhaabuhhi daqisleém.› »

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.