YEREMIA 5:15 - Biblía Axweesantá Hhohho' ar Mungú 2004

¹⁵ Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

YEREMIA 5:15 Iomraidhean Croise

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

WARA'AMI 81:5

Asma hara'ayaarí gana oó' tawa lamabu'uungw dír Yosefuwo, iwa tláy baraá yaamaá Misrír wa ale. Afór heé ni xuaaká ana axaás.

ISAYA 28:11

Gimsé' daxta, AAKOÓ MUNGÚ i axwees dír mukwí, ar axweesantá tsifir hatlo, in axwees ar tsifrír múk dahaaye.

ISAYA 29:3

Aníng xafoó slaqwaruuse un harweér ar Yerusalemu, aníng ngiri /aampúr harweér, aníng múk kiíng i haraweél ngun amorógí tleés.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 33:19

Kuungá' múk sagegawdén u baloó aanda'aaká, tam múk axweesani bó/ oo ta tsatsahhanda'aaká sleeme, múk axweesantaín ga mororohhiím ar ta tsahhká.

ISAYA 39:3

Aluuwo aarusmo Isaya iri amór waawutmo Hesekia káy, guri báy, «Mukwí gár i kaahi a milá? Nee amór ni dahhiya' a amá niwa dirógí hardihiyé'.» Hesekia iri oó', «Mukwí amór i dahhi ka ló'wa saaw. A baraá yaamaá Babuloni.»

ISAYA 5:26

Inós xoorór saaw gan ateet, inós gi ateet ar fuutlo iimír alhhe'eesoó yaamií ale, ala ga/aaweek, nin ti'iíngwár hardihiyá'.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 2:26

Adoodá' fisusmo burkwa óh ir murumaamiti, an adór múk Israeli tar muruuti. Inooín kilooín nee waawitaáine, nee geeraharuuser'ín, nee kaahamuuser'ín, nee aaruuser'ine.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 4:16

I xoordaá gurbu'uún nee i Yerusalemúr kángw babeér, i kat, «Tundu i haraatláy amór saáw wa ale, nee gixsadaá Yuda kiri dae tsaat.

YEREMIA 5:11

Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

YEREMIA 6:22

AAKOÓ MUNGÚ i kaahi, «Qaytsité', xoorór /iikú daahh ni hi'ít, xoorór /uuruú slaqwarár koom, ti amohhe'eemís amorqá' saáw wa aleeró.

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 7:7

«Alaá tihe baraá iigu'utueene naxés makiito'ór tsiyáhh ngiri ár, a makiito'ór waa/oo/amo nee ar dae tlaaq, ar ló'wa /uuruú koom. Makiito'oorí sihhnaá diren awa muqsla gi koón, awa ir /ayiin. Nee fu'unaydá' naa meetiyé' giri feehhamís, giri yaamú i kal/aán ar tsa/aá ya'aawós. Inós a slaqmiseeká nee makaydaá hatlá' tám naa geerií ár, inós xareemi ngi koon a mibaangw.

AMOS 6:14

AAKOÓ MUNGÚ, Munguú Aleesleemusmo i kaahi, «Aá múk Israeli, aníng xoororka ngi tleés amorhúng i alé, kuungá' tunduri slahh'eemiis iimír afkú dahmaá Lebo-hamatír wa alé, ay dír duxuú Araba.»

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

1 Korinto 14:21

Baraá hara'ayár Mosewo kaa gooín, «Aako i kaahi, ‹Aníng an axweés dír mukwí i alé ar tsifir hatlo nee ar tsifrír múk hatlá', ala tam adoorihe inooín aníng i iiárií qaasiaaká.› »

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.