YEREMIA 5:14 - Biblía Axweesantá Hhohho' ar Mungú 2004

¹⁴ Gawaá adoorihe AAKOÓ MUNGÚ, Munguú Aleesleemusmo, i kaahi, «Yeremía, asma muksíng iwa adoosír axweesi, ga/aaweek axweesante'eé' an adór asla tleéhh baraá afkoge, mukwí tari adór migír, inooín asla giri /ák.

YEREMIA 5:14 Iomraidhean Croise

ISAYA 24:6

Gawaá adoorihe lo'o yaamu gaa /ák, nee yaamuloouusér baraá yaamu ka slahh'eemiis as tlakweemaaín. Gawaá adoorihe yaamuloouusér baraá yaamu aa /aaruúr, nee múk niiná kilós ina meét.

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

YEREMIA 23:29

Anuú AAKOÓ MUNGÚ a kah, ‹Axweesante'eé' a adór asla, a adór yuúnduú tlaa/e tsu/uta.›

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›