YEREMIA 5:13 - Biblía Axweesantá Hhohho' ar Mungú 2004

¹³ Aaruuse an adór fur'ár tawo, axweesantá Mungú i káhh dir'ine. Gimsé', tí inooín awa kilá' gin sleér.

YEREMIA 5:13 Iomraidhean Croise

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

YOBU 6:26

Kuungá' kawa xua' axweesani iigahhaataro a aleesleerá'a? Axweesantá heé aa diqay tsatiit aqo adór fur'a.

YOBU 8:2

«Muruuwók kwisíng ku axweemaamis ay xaylá? Axweesantasír adór fur'ár duhhúm ka alkomkaakoon ay xaylá?

AXWEESANOÓ SAGALOOA 25:14

Adoodár huunkoó tluwoó koomaaká nee fur'a i dirii'iya', an adór heé gaa ga ala oo' aluuwo gari hanisiiká.

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

YEREMIA 14:13

Naagáy, aníng niri oó', «Aá Aakoó MUNGÚ, ga/aaweek, aaruuse i múk babeer, kuungá' slaqwara nu sleeraaká, laqaá qwari, asma kuúng al'axweesani aga ó' tawa kat, ‹Wayda i kumamiit baraá yaamuukae.› »

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 22:22

Geeraharuuserhúng ka haritlees nee fur'a, mulqerhúng karir tláy baraá loohaay, daqaní kuungá' tari muruta', nee tari amoqwaqwadiindá', asma tlakweemaahúng kudá' taa tlehhé'.

YEREMIA 28:3

Har afiqoomár kureeraá tsár awa hi'iita'a, xoosla sleémeero ar Doó AAKOÓ MUNGÚ, tidá' Nebukadnesa waawutmoó Babuloni ira tláy, nee gari huúw ay Babuloni, ngin diirií ki/ís.

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.