YEREMIA 5:11 - Biblía Axweesantá Hhohho' ar Mungú 2004

¹¹ Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

YEREMIA 5:11 Iomraidhean Croise

ISAYA 24:16

Afór xirfayeemis ana axaasaán iimír ku/uyaá doori, afór xirfuú kudá' gan'amuú koóm kuwa xirfayeemisi. Ala aníng ana oó', «Aníng aga slaqwa tlakúw, aníng aga slaqwa tlakúw. Tsaxwaeé'!» Asma múk al/agiím al/aymaaro tan ak kumiit, al/aymuuse in ak ló'wa kumít al/aymaro.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 3:20

Ala daanduú tihe, kuungá' xoorór Israeli ana inkihhimu waslesé' dir'eene, adór harér inkihhimu wasl i tlehhaahhit dír hhawaatuuwose. Anuú AAKOÓ MUNGÚ tí ngina oó'

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

YEREMIA 9:2

Masók dír hotaaeé' baraá xaanxaywo i deer tidá' aauuse i qaqatatiin. As muk'eé' nguwa geexaw nari diya/aát, asma inooín sleémeero an fuquuse, nee múk nee /aytuuse dinku'uumisá'.»

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 6:7

Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.