YEREMIA 5:10 - Biblía Axweesantá Hhohho' ar Mungú 2004

¹⁰ Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

YEREMIA 5:10 Iomraidhean Croise

2 QOM'I 12:4

Gixsaduudá' koo/i gawden awa Yuda giri hayóh iri hardáh ay Yerusalemu.

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 46:28

AAKOÓ MUNGÚ i kaahi, «Ma da'ayumitaar, sagadiyusmooeé' kuúng Yakobo. Aníng nee kuúng a dinkwa, aníng xoorduudá' sleémeero kudá' aníng kuúng uy loohatís in ló'wa hhaamiís, ala kuúng u hhaamiisaaká. Aníng kuúng un slahh'eemiís ar qoomoó ganaá' ala u ak mawaaká muxtaaro.»

YEREMIA 5:11

Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

YEREMIA 5:18

«Ala tam adoorihe baraá deeloorí sleémeero aníng kuungá' nu ak hhaamisaaká. Anuú AAKOÓ MUNGÚ tí ngina oó'.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

ESEKIELI 12:16

Ala panoó niiná u meetiís baraá slaqwaraaro nee baraá qwarko, nee baraá tiqtír pu/ito, as kahhó' inooín adoodá' tlii/ naa tleehhiyé' ngiwa dír xoordií ooiya'. Diirí an didá' ngiwa tsaahhiya' adór aníng tar AAKOÓ MUNGÚ.»

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

HOSEA 1:9

AAKOÓ MUNGÚ Hosea guri báy, «Umuuwós ku beer, Lo-Ami. Asma kuungá' a muk'eeneeká, aníng sleeme a Munguúhungeeká.»

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.