YEREMIA 49:8 - Biblía Axweesantá Hhohho' ar Mungú 2004

⁸ Yaamuloouusér Dedani, kuungá' /akumiité', warqawé' hota awaak baraá nahhaata. Asma xwaylár Esau aníng a slahh'amií huúw, qoomár ngiwa muux bir naa xeér.

YEREMIA 49:8 Iomraidhean Croise

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 21:13

Kaangwí a geehhoeemaá Mungú aa laqán daanduú yaamaá Ma/arabuwo. Kuungaásaá aauusér Dedani, heemaduuhúng sihhaak xweeraá laarí baraá yaamaá sla/a awa Ma/arabu.

ISAYA 34:5

Asma paángar'eé' aga amohhe'eés gawaá doorí wá ale. Ga/aaweek, nin awét as múk Edomu nguwa tlaq, nee múk naa istí tsaát nguwa qwaarees.

YEREMIA 25:23

Nee yaamuloouusér Dedani, nee ar Tema, nee ar Busi, nee muu sleémeero kudá' sagér deeqwaquút, nee soqoorír gixaaxáw tla/ángw saga.

YEREMIA 46:21

Tam slaqwaruuser'ín tidá' taa tlaáxw baraá tla/angw'ine a adór damaá naa wahhditiye', inooín sleeme na alií ki/iyé', taa goów tam slaqwara nga qiitlii'iiká, asma deelór kiwa hhaamisi naa xeér, qoomar'ín ar kiwa muxi naa hardát.

YEREMIA 48:28

Kuungá' yaamuloouusér Moabu baraá gixsaduhunge ti'iité', hota awaak baraá tla/u. Adór hhooki tleehhité' tidá' do'ós gwaa tlehh dír afaá duxa.

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

YEREMIA 48:6

/Akumiité', hhintleemoohúng tu/aak, ta'aaimé' adór daqoó aa nariis oo baraá xaanxaay.

YEREMIA 49:30

Kuungaá yaamuloouusér Hasori, /akumiité' amoorqá' nee tiqae, nahhaaté' baraá boh'e. Asma Nebukadnesa, waawutmoó Babuloni, kaangwí gwa qoomeés daanduuhunge. Taa amohhe'eés kuungá' nuwa i haraatlay.

YEREMIA 49:32

Angamíar'ín ka haasaáng wa ar tláy, hikwaaín kiri haasaáng wa ar tláy. Mukdaádá' suseemaá tlaqaaqatá' gun diyaa/ umuú bihheero. Slahh'amu un huúw umuú bihheero. Anuú AAKOÓ MUNGÚ tí ngina oó'.

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

ESEKIELI 25:13

Gawaá adoorihe, anuú Aakoó MUNGÚ a kah, Aníng dakw'eé' u tleés gawaá múk Edomu, nee muu sleémeero nee makaywo ngiri tsuú/. Yaamuuín i deewa'atís iimír gixsár Temani ay gixsár Dedani, muu ku hhaamiis ar paánga.

MALAKI 1:3

ala xwaylár Esau ana aáhh, nee tlom'aá yaamaá Edomu ngay deewa'atís, nee aalir'ín ngay intsaawér i haniís.»

MALAKI 1:4

Barnaxes múk Edomu, kuduú xwaylár Esau, i kaahi, «Gixsaduurén kaa hhitín, ala didá' taa feé/ kay tleehhaán.» Ala AAKOÓ MUNGÚ Aleesleemusmo i kaahi, «Inooín ngi mak tleehhiyá', ala aníng maray'ín kudá' i feé/. Nee inooín kiri adoorír ateet tawa kaahi, ‹Yaamaá múk iranguuse,› nee inooín kiri bay, ‹Mukdá' AAKOÓ MUNGÚ i buhhaabuhhi daqisleém.› »

Geehhoeemaá 6:15

Qoomaadae waawitú baraaká' yaamu nee múk urén, nee geeraharuusér slaqwara, nee múk daqaare, nee múk aleesleemuú koóm, nee umuúqo heewo, oo lawaalmo nee oo lawaalmoowooká, sleémeero tari nahhaát baraá mar'o, nee baraá gur'ér tla/u ar baraá tlom'í dirii'.

HAR'OHUUSE 6:2

Xoorór Israeli kari ló'wa slahh'eemiís nee múk Midiani, xoorór Israeli iri hotaá eér baraá boh'ér naa foliitiyé' gawaá tlom'i, nee baraá mar'o nee baraá koo/ír gawit.

1 SAMUELI 13:6

Múk Israeli ngiwa ár adór tar baraá slahh'amuú úr asma muu kwa /amatseek, tari nahhmiít baraá mar'o nee baraá boh'e, nee baraá tla/u, nee baraá /aantu, nee baraá hhaleeri.