YEREMIA 49:7 - Biblía Axweesantá Hhohho' ar Mungú 2004

⁷ Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

YEREMIA 49:7 Iomraidhean Croise

IIMU/UUNGW 25:30

Yakobo guri báy, «Qwari iga gaás, na'ás, muruú /aymaasíng da/tén qasiisang.» (Gaarí an gár kusa báy Edomu).

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 32:3

Yakobo ya/abuuse gari geerakawís amór hhiyaawós Esau, amór Seiri baraá yaamaá Edomu.

IIMU/UUNGW 36:11

Nee daaqoó Elifasi an Temani nee Omari, nee Sefo, nee Gatamu nee Kenasi.

IIMU/UUNGW 36:15

Mukwí an múk urén, nee a geeraharuusér daaqoó Elifasi, garmoó baris oo Esau. Daaqoó Elifasi, garmoó baris oo Esau a Temani, nee Omari, nee Sefo, nee Kenasi,

IIMU/UUNGW 36:34

Yobabu iri kahhuút, Hushamu oo baraá yaamaá Temani kitaangós guri óh.

IIMU/UUNGW 36:8

Esau iri hotaá áy baraá yaamaá tlom'aá Seiri. Esau umuuwós oo hatlá' an Edomu.

1 QOM'I 1:53

nee Kenasi, nee Temani, nee Mibsari,

YOBU 2:11

Mulqerka tám ar Yobu, Elifasi oo baraá yaamaá Temani, nee Bildadi oo baraá yaamaá Shua, nee Sofari oo baraá yaamaá Na'amati, kángw slahh'amuú Yobu nguwa axaasiyé', niri tsabiné' nguwa neetleesi aya', nee nguwa gurkwa/amisiya'.

YOBU 4:1

Aluuwo Elifasi kudaáduú Temanmo, guri mu/aywaáts, iri oó',

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

ISAYA 21:11

Kaangwí a geehhooeemaá Mungú aa laqán daanduú Edomu Heeko aníng ina amór Seírír wa ateét, i kaahi, «Xuumusámo, gár naa aán xweeraawo? Xuumusámo, gár naa aán xweeraawo?»

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 25:21

Aluuwo muu sleémeero oo Edomu, nee Moabu, nee oo Amoni.

YEREMIA 25:23

Nee yaamuloouusér Dedani, nee ar Tema, nee ar Busi, nee muu sleémeero kudá' sagér deeqwaquút, nee soqoorír gixaaxáw tla/ángw saga.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 49:20

Gawaá adoorihe, adoodá' AAKOÓ MUNGÚ aa qoomeés dír múk Edomu iiárií qaasaak, nee adoodá' i tleehhamór wa slai dír yaamuloouusér Temaniwo. Tam deeláy'ín oo bee/aangw kun yaamúr duuruxún, nee kuri ar tláy, múk yaamuudá' hoót tari waa/oo'.

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

ESEKIELI 32:29

«Múk Edomu sleeme ta baraadá', dinkwa nee waawitaáín nee geeraharuuser'ín sleémeero. Qoomár iwa slafiya' a múk ló'wa /uuruú koóm, ala hám daxta kaa dinkwaárií qaas nee mukdá' taa hheehhe'eesiiká, kudá' taa tsuú/ baraá slaqwaraaro.

DANIELI 11:41

Tam yaamuudá' xirfuú koomá' gin haradah nee múk yaariír guri ló'wa tsuu/. Ala yaamaá Edomu nee awa Moabu nee yaamaá yaariir awa Amoni ni kotsqotiyá' gawaá dabaawós wa alé.

Yoeli 3:19

«Misri iri taangu tleehhít, nee Edomu tari xaanxaay, asma /aytadá' taa múk Yuda i tleéhh, asma tseerdaá múk dakuús wásl ngina baraá yaamuuíní ku'uusiyé'.

HABAKUKI 3:3

Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

DABE 23:7

«Múk Edomu mu ahhitara', asma mukwí a hhaeehúng. Sleeme múk Misri mu ahhiitara', asma kuungá' ana baraá yaamuuín wa hoté' adór dahaaye.