YEREMIA 49:5 - Biblía Axweesantá Hhohho' ar Mungú 2004

⁵ AAKOÓ MUNGÚ Aleesleemusmo i kaahi, ‹Ga/aawaak, dae tlaqa ngu gawaahúng i huúw umuúqo barto baraá inslaawayhunge. Kuungá' tundun ar tláy, umuúqo heewo loohirós gan ar oh. Heé múk aa /akumiit gu burumbuúr i kaahh.

YEREMIA 49:5 Iomraidhean Croise

2 WAAWITÁ 19:7

Qaytsiít, aníng waawutmo u dae tsaát, inós kun lamtá báy, iri waatl ayaawós, amoodár ayaawose kuri gaas ar paánga.› »

YOBU 15:21

Afór de'e tlaaq i baraá iaawós wá tseeamiín. Qoomár iwa diihhe'eés fisuuse gun haraadát.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 16:3

Múk Moabu i múk Yuda babay, «Atén ti gurbue', kangwrén tlaaqare', xuumarhúng daandemorene doogare' adór giwtír naa tlatla/ángw iimu/uun. Mukrén oo tinda guús lu/aak, nee kudá' naa ayahúngí /akumiit mu geewaqaatara'.

YEREMIA 15:8

/Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 49:29

Heemaaduín nee bee/angw'ín ki ar tláy, dinkwa nee inqwaruín nee daqaari'iimar'ine, angaamíar'ín ka hayoh, muu iri amor'ín i tseeamín tawa kaahi, ‹Dae tlaqa i umuú bihhi.›

YEREMIA 6:25

Baraá qamu keemuuwo i qiitlanaaká, tam laqaá tawa hi'iitanór awaan baraá lohdu. Asma wakuuse xooslár slaqwara gaa amohhe'és dabaaine, umuú diiro gaa dae tlaqa.»

WA/AA/I 4:15

Muu gina i tseeamín, ta kaahi, «Quutlé'! Kuungaásingá' slasla/aren, quutlé', quutlé'. Ma gaa kwatiitara'!» An gár tas múk haleleamiít nee oo tongaanuús. Múk xoordu iri oó', «Mukwí ayaarene u dahaasanaaká.»

AMOS 4:3

Kuungá' tundu duruux ar dír taa fooxiís baraá koo/iro. Umuú /ameeniro nee loohirós, kuungá' tunduri kwaahh amór Harmoni. Anuú AAKOÓ MUNGÚ tí ngina oó'.»

YOSHUA 2:9

giri beér, «Aníng a xuú' adór AAKOÓ MUNGÚ yaamuuká' ngira qaroó kuungií haniís. Atén hamí dae taa fák as kuungá', nee yaamuloouuse sleémeero ila' gaa wák dirhunge.