YEREMIA 49:37 - Biblía Axweesantá Hhohho' ar Mungú 2004

³⁷ Múk Elamu aníng u dae tsaát dír geeraá wakuuser'ín wa ale, nee dír kudá' slafingw'ín gu leelehhiita. Aníng i amotlakweéri huúw ar buhhtaaeé' kudá' xaraaslá'. Anuú AAKOÓ MUNGÚ tí ngina oó'. Aníng paánga a huúw, ngiri eehár ay dír ngay ló'wa hhaamiis.

YEREMIA 49:37 Iomraidhean Croise

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 48:2

Xirfuú múk Moabu aa faák! Baraá Heshboniro ta kangwkoó qoomeemees daanduuwoge, ta kaahi, ‹Gimsé' i hhaamiisaán mindiwa malé xooro tleehhitiyé'!› Kiíng gixsár Madmeni sleeme ti xasltis, paánga iri eehát.

YEREMIA 48:39

Ga/aawaak, adór tara qeqtín! Ga/aawaak adór tar tsuunqumisi! Múk Moabu aa alií kií/ ar mure. Múk Moabu aa gár waaqaseengw tleehhiít, nee gár dae tlaaq dír inslaawaay sleémeerowo.»

YEREMIA 49:22

Ga/aaweek, wakusmo i gáwtí /akuut adór gwareesi, nee ar hhampi'iiwose gixsár Bosra gari tuuntuuk. Baalaarihe munér pihhuusér Edomu dae gari hatsís adór /ameenír dír asltá xwayla.»

YEREMIA 49:24

Múk Damasko ta diqya' tsatmiit, ta alií /akumiit, daér yaariir gaa eér, ta baraá slahh'amu nee gurhaamír yaariir adór /ameenír dír asltá xwayla.

YEREMIA 49:29

Heemaaduín nee bee/angw'ín ki ar tláy, dinkwa nee inqwaruín nee daqaari'iimar'ine, angaamíar'ín ka hayoh, muu iri amor'ín i tseeamín tawa kaahi, ‹Dae tlaqa i umuú bihhi.›

YEREMIA 49:38

Aníng kitangw'eé' oo waawuti'iima u qaás baraá Elamu, nee waawutmooín nee geeraharuuser'ine in hhaamiís. Anuú AAKOÓ MUNGÚ tí ngina oó'.

YEREMIA 49:5

AAKOÓ MUNGÚ Aleesleemusmo i kaahi, ‹Ga/aawaak, dae tlaqa ngu gawaahúng i huúw umuúqo barto baraá inslaawayhunge. Kuungá' tundun ar tláy, umuúqo heewo loohirós gan ar oh. Heé múk aa /akumiit gu burumbuúr i kaahh.

YEREMIA 50:36

Qatlo i gawaá qwaslaare, asma inooín i daktu'uumitiyá', qatlo i gawaá miguuser'ín, asma ki hhaamiis.

YEREMIA 6:19

Yaámu, iia qaasaak, ga/aawaak, aníng mukwí u amotlakweérí huúw, adoodá' inslaway'ín kudá' tlákw kus hariím. Asma inooín axweesante'eé' ngaa gaárií xui'iiká, nee intsaahhasar'eé' sleeme ngina si'iyé'.

YEREMIA 9:15

Gawaá adoorihe AAKOÓ MUNGÚ Aleesleemusmo, Munguú Israeli, i kaahi, «Ga/aawaak mukwí un hhamaandúr /aymiís, nee nguri ma'aá qárkwár wahaás.

YEREMIA 9:16

Aníng i diyaá/ baraá xoordaá hatlá' awa i baloó xuiiaaká, tam baabi'ii'ín ngi xuiiaaká, nee wakuuse ngiri ya/aáw aluuín wa aleeró, ay dír án ngi hhaamiis.»

ESEKIELI 12:14

Eeharuuseerós sleémeero, múk inós gu hara'ayiím, nee slaqwaruuseerós sleémeero an tsee/áy tlatlahhaás, paángar'eé' an tuuntsiís ngiri aluú wa eehár.

ESEKIELI 32:23

/Aantuuín kaa baráy foola hhe'eés baraá bohongwduú gi'iwo. /Aantaá slaqwaruuseerós tidá' sleémeero taa tsuú/ baraá slaqwarár wa ale, inós ngwaa harweeriyé'. Qoomár inooín iwa slafiya', muu nguna daandeemo feehhamiisiyé'.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.