YEREMIA 49:3 - Biblía Axweesantá Hhohho' ar Mungú 2004

³ «Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

YEREMIA 49:3 Iomraidhean Croise

2 SAMUELI 11:1

Umuúqo iimu/úngw kurkú /abene an qoomár waawitá iwa baraá slaqwaraárí tlaatlay. Daudi Yoabu guna ya/aáw nee geeraharuusero dinkwa nee múk Israeli sleémeero tawa slaqwarár ay. Inooín múk Amoni kuri baál, kuri barti'íni óh, nee gixsár Raba kari harweér. Ala Daudi iri meét Yerusalemu.

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

1 WAAWITÁ 11:5

Solomon munguú ta bay Ashtaroti kuduú /ameeni oo múk Sidoni guna sagadiyuús, nee Milkomu kudá' ta waki oo múk Amoni guri eehár

2 WAAWITÁ 23:13

Waawutmo kiteeridá' gawaá gongoama' awa bihhaá da/aáw Yerusalemuro gina meeta gaás, nee bihhidaá tloomár hhituru'uuma didá' Solomon waawutmoó Israeli aa tleéhh as Ashtaroti, tidá' ta waki ar múk Sidoni, nee Kemosi ar múk Moabu, nee Milkomu ar múk Amoni.

ESRA 2:28

Múk yaamaá Beteli nee Ai a tsiire tsár mibeeri tsár nee tám.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 16:7

Gawaá adoorihe Moabu mawaak i tsuunqumis, Umuúqo heewo baraá Moaburo mawaak i tsuunqumiisi, ta tsuunqumiisi as slahhtadá' ur naa slayé', nee as mikaáteedá' taa tleéhh ar sabiíbu, ar baraá Kirihareseti.

ISAYA 23:1

Kaangwí a iigu'utuú Mungú aa laqán daanduú Tiroro. Kuungaásá múk Tarshishi awa baraá tlawtár hi'iimamitá' tsuunqumisé', asma gixsár Tiro kaa hhaamiís tam maraydaá afaá tlawi i kahhiyá'. Bál bar naa ki/é' Kuprór wa ale, kaangwí u axasá'.

ISAYA 23:6

Tlawsé', ta'aaimé' ay yaamaá Tarshishi, tsuunqumiisé' kuungaásá yaamuloouusér afaá tlawi.

YEREMIA 4:8

Gawaá adoorihe tlabaá guniyadu tsiitaak, tsuunqumisé' nee /aa/amimé' tawa kata', ‹Buhhtaá AAKOÓ MUNGÚ kudá' xaraaslá' daanduurene naa faaki'iiká.› »

YEREMIA 46:25

AAKOÓ MUNGÚ Aleesleemusmo, Munguú Israeli, i kaahi, «Ga/aaweek aníng Amoni munguú Tebesi un muúx, nee Farao nee yaamaá Misriro dinkwa nee munguii'ine nee waawitaáine, nee kudá' Farao gwaa harahhifi.

YEREMIA 48:2

Xirfuú múk Moabu aa faák! Baraá Heshboniro ta kangwkoó qoomeemees daanduuwoge, ta kaahi, ‹Gimsé' i hhaamiisaán mindiwa malé xooro tleehhitiyé'!› Kiíng gixsár Madmeni sleeme ti xasltis, paánga iri eehát.

YEREMIA 48:20

Múk Moabu kwaa mureekeés, asma kwaa hhitín, tsuunqumisé' nee /aa/amiimé'! Afo ilahanisaak bihhaá yaaér Arnoni adór múk Moabu kura hhaamiís.

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

YEREMIA 48:7

As koo/irhúng tidá' gawit nee daqaari'iimaro kiwa harahhifé', kuungá' sleeme tundu ar tláy. Mungú kudá' ta bay Kemoshi ku loohatis dinkwa nee kaahamuuseerós nee geeraharuuseerose.

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

YEREMIA 51:8

Babuloni aa gaanslár hú' nee iri qeqtiín. Tsuunqumiisé' as inós, xa'anoó maasáy ti hanise' as slahh'amuuwós, doóqa i hungú/.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

AMOS 1:15

Waawutmoó múk Amoni ku huuw lawaali'iimár wa alé dinkwa nee mukdá' urén inós gu alee/imiís. Anuú AAKOÓ MUNGÚ tí ngina oó'.»

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.

YOSHUA 7:2

Yoshua muu guna ya/aáw amór gixsár Yerikór wa ale ay amór yaamaá Ai, gixsadár bihhaá da/aáw awa Beteli, ar iisaapoó Bet-aweni, inooín giri báy, «Tlawsé' yaamuudá' tsawtsawuusare'.» Inooín tari tláy gixsár Ai ngiri tsawtsawuusiyé'.

YOSHUA 8:1

Naagáy AAKOÓ MUNGÚ Yoshua guri báy, «Kuúng ma da'ayumiitaar laqaá ma hhaslitaar, slaqwaruuse amohhe'eeseek. Daqaní ta tleerá' ay Ai, ga/aaweek, aníng waawutmoó Ai nee mukose nee gixsarose nee yaamuuwose ngaa dabaawók i qaás.

YOSHUA 8:28

Yoshua nee mukós gixsár Ai ngiri da/iyé', iri huuhu'uún, iri ufe tleehhít tam ay laarí.