YEREMIA 49:29 - Biblía Axweesantá Hhohho' ar Mungú 2004

²⁹ Heemaaduín nee bee/angw'ín ki ar tláy, dinkwa nee inqwaruín nee daqaari'iimar'ine, angaamíar'ín ka hayoh, muu iri amor'ín i tseeamín tawa kaahi, ‹Dae tlaqa i umuú bihhi.›

YEREMIA 49:29 Iomraidhean Croise

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

WARA'AMI 120:5

Hhintlueé' ku gawít asma hotángw dirhúng a adór heé baraá hoomár Mesheki, laqaá adór heé baraá hoomár Kedárír i dirií'.

WARA'AMI 31:13

Múk yaariír i saasahhán daanduueene, tsaxwa iga harweeriyé' bihhe sleémeero. Taa geewaaqaát tiwa oohi, ta loohír tlehhiit ar tir gaasi.

ISAYA 13:20

Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 60:7

Daqoroó bee/aangw oo Kedari kungu diróg i burumbuur. Gwaandaawér Nebayoti kari ilahhooár da/tá wa hanís, gwaandaweedá' kari ya/án gawaá kitangw'eé' oo ilahhooaro. Nee dooeé' kudá' xiríf nguri xirfayeés.

YEREMIA 10:20

Ala heemadurén kaa feé/, him'eedá' kira tsegiít kaa tlaáq. Na/iirén kira tláy sleémeero, oo taa geexáy tumu wák i kaahh, oo heemaduurén gi male tleéhh. Nee oo inqwaruuduú gawaá pa/eeri gu ki/ís i kaahh.› »

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

YEREMIA 46:5

Ahaá gár ni ga/aw mas kina de'e tsaát? Inooín naa amoqwaariyé', naa alií ki/iyé'. Miguuser'ín kaa muúx, iri /akumít sleeme naa alií qaytsiti'iiká, dae i umuú bihhe. AAKOÓ MUNGÚ tí gan kah.

YEREMIA 49:24

Múk Damasko ta diqya' tsatmiit, ta alií /akumiit, daér yaariir gaa eér, ta baraá slahh'amu nee gurhaamír yaariir adór /ameenír dír asltá xwayla.

YEREMIA 49:5

AAKOÓ MUNGÚ Aleesleemusmo i kaahi, ‹Ga/aawaak, dae tlaqa ngu gawaahúng i huúw umuúqo barto baraá inslaawayhunge. Kuungá' tundun ar tláy, umuúqo heewo loohirós gan ar oh. Heé múk aa /akumiit gu burumbuúr i kaahh.

YEREMIA 6:25

Baraá qamu keemuuwo i qiitlanaaká, tam laqaá tawa hi'iitanór awaan baraá lohdu. Asma wakuuse xooslár slaqwara gaa amohhe'és dabaaine, umuú diiro gaa dae tlaqa.»

HABAKUKI 3:7

Múk Kushani una ár iwa slahhahhai, nee múk yaamaá Midiani iwa daaraaxi.

2 korinto 4:8

Atén bihhe sleémeero ti slahh'eemiis, ala taa tsamemeeiiká, a xuruumitaán, ala tam adoorihe a mune siaanaaká.

2 korinto 7:5

Tam qoomár atén niwa hardahaán yaamaá Makedoniár i aleeró, amohhooa aga slawaaniiká. Ala atén slahh'amu una slawaán umuúqo bihheero. Tsee/aawo gár dáw a gila, baraá muneerene gár dáw a dae.

HAR'OHUUSE 6:5

Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

HAR'OHUUSE 8:21

Aluuwo Seba nee Salmuna Gideoni nguri bayé', «Sihhiitáng, kuúnguú kilá' ti tsu/, asma gadiyeérí ar hhawaate.» Gideoni giri tsuú/ inósuú kilá', muruuduú parooti oo gawaá isér angamíar'ín guri ar tláy.

HAR'OHUUSE 8:26

Saaqaánduú sahaábu oo taa haniís dír Gideoni a kílo mibeeri tsár, dinkwa nee saqaánduuwihe, muruú hatlá' taa hanmiís a tlabaá sirdaa/aten awa mibeeri tsár, dinkwa nee tlabaá waawituú Midiani aa dahamiís nee himtaawér baraá isaá angamiaduuín.